أدب وثقافه
جمال عيونك
بقلمي الشاعر/ محمد غبن
شاعر آل غبن وسفيرا للسلام الدولي
3/8/2021
اعمل ايه بس في جمال
عيونها دية وسحرها
خلتني اسير غرامها متلجم
بلساني مش عارف ايه اقولها
وحياة جمال طلتك اللي جاتني
فجأه ونورت لياليا العتام
عقلي وقف تفكيره وكإني تايه
في مكان شديد الزحام
وغرقت في هدومي مش عارف
دا خجل ولا مش قادر ع الكلام
بصراحه جمالك فيه حاجه
غريبه مش عارف ليها تفسير
وانا اللي كان لساني زي البارابنت
اتحجر وأخد أمر بعدم التفكير
يكون دا الحب ياجميلتي اللي
بيقولوا من اول لحظه وساعه
اصل معنديش خبره استحمليني
بقي وأنتم كمان ياجماعه
لما هشوفها ربنا هيكرمني وأحكي
ع اللي جوا قلبي ومش هخبيه
بس هي ياريت تكون شافته
او عندها إحساس بيه
عموما هجتهد وربنا يقدرني و
هقولها علي إحساسي الدايب فيه
تابعنا على
