المقالات والسياسه والادب
حوار ملوش حدود
بقلم الشاعرة: عفاف مسلم علي
حوار ملوش حدود
أ أنا والليل والقلم والسهد
أنا الفكر اللي مالهوش جلي.. وماليش غير القلم سند
أنا الحيران والسهران.. أنا العنوان والسؤال
أنا التايه في بحر الخيال.. بفتش على إجابة وسؤال
أنا حوار مالهوش نهاية.. جواه مية حكاية وفكرة
كلام في عتمة الليل معسول.. يدوب في خطاوي بكرة
سهر تايه مالوش حدود.. وروح عازفة على الأوتار
تطوف في ملكوت الوجود.. وتداري في قلوب الأسرار
أنا غنوة في سكات الليل.. ونغمة حزينة بس تداوي
أنا الصبر اللي حيله طويل.. وأنا في العشق مش غاوي
غير إني أكون طيف خفيف.. يمر بسلام على القلوب
زي نسمة في فصل الخريف.. تمحي من العيون الذنوب
أنا الفكرة والكلمة.. وأنا الحرف ومعانيه
خيال في ضي القمر.. بلمسة إحساس بنحييه
أنا التوه وسهد جميل.. غريب بين الأماكن والزمان
أنا القلب اللي داق الويل.. وبيحب ومن غير عنوان
أنا الغرقان في شط الحنان.. وعوام في بحر المودة
