خاطرة بالعامية/أميرة شمالي سوريا
كتير صعب تحب شخص مو إلك بيحب حدا تاني
كتير صعب انك تكتب وتغرق الورق بالشوق
وهو مايحس….
كتير صعب انك تعرف انك مجرد عدد في حياته
او مصدر غذاء للروح…. يعني بيمتص محبتك ليقدمها لغيرك
كتير صعب يكون قريب وبعيد بنفس الوقت
كتير صعب انك تحاول تروح تبتعد بس كل حواسك وجسدك وروحك معلقين به
كتير صعب تحب شخص وثقت فيه وهو ما وثق فيك
كتير صعب انك تعيش بس لتشوفه وهو مو شايفك
بيجاملك بس لمعرفته قدر محبتك
يمكن لان هو قلبه ب مكان تاني
ف العاشق بيحس ب العاشق لان نفس الوجع
كتير صعب يعتبر كلامك وأسألتك غباء
لكن هي بالحقيقة من شدة الشوق
كتير صعب تحس بضياع تحس بالعمر
تحس ان الزمن غدرك
كتير صعب تعيش لأرضائه وهو ما بيرضيه شي
كتير صعب تكون ميت وعيونك لساهم مفتحين
اي كتير صعب….
انك تبكي وتخبي وما في حدا فيك تشكي ليه
ما في غير الورق كل ليلة يقدم العزاء ليك
كتير صعب تكتب كل كلمة بدمعة وتنشرها بحرقة
وتقتل كل يوم نبضة فيك