أخبارالسياسة والمقالات
رسايل الالم
دكتورة فاطمه محمود
هناك كتير من الناس بتعيش الألم والعذاب والمعاناه وبيتكرر معاها للأسف ومش بتعرف سببه وبتعتقد إنه مكتوب عليها ونصيب ومتعرفش إن بإيديها تقدر تغيره
اولا…
لان الانسان كتير الكسل والتسويف بيوقف مكانه
فيحصل الألم عشان نشتغل على نفسنا ونعرف المعلومه الغلط او الناقصه أو على الاقل نستخدم المعلومه اللي عارفينها
مثلا إنت عارف إنك لو عملت المشروع الفلاني هيغير وضعك المادي ويرحمك من الشغل عند الناس
ولكن خوفك من فقدان الأمان وكسلك وتسويفك بيخليك مكانك
فيظهر الألم عشان يدفعك وتطور نفسك
إحنا إتخلقنا عشان نتطور مش نقف مكاننا
طيب واللي متواجد في ظروف غصب عنه خلته عايش وسط الألم
إذا ده بيثبت نظريتي
إنك إتخلقت في الظروف دي عشان تتطور وتغيرها
مش تكرر نفس تجربه أهلك وبرمجتهم او تكمل في نفس الظروف
الفقر والعلاقات السيئه والمرض
كلها جاءت لك عشان تبحث عن المعلومه الغلط او الناقصه أو الشيء السيء اللي بتعمله فتحاول
تغيره وتتطور
سيب كسلك وإبدأ دور وإبحث عن رسايل الألم
صدقني الألم معلم
مفيش حاجه بتظهر في حياتك إلا بسببك
الشكوى وعيش دور الضحيه مش هتطورك ولا تقلل الألم
ولو قللت الالم بيكون زي اللي ضرسه مسوس وبيألمه وبياخد مسكن بينما ضرسه محتاج خلع أو علاج جذور
والطريقه الوحيده اللي جربتها وبتكشف الألم
إنك تدور وتسأل كتير
ليه بيحصل لي كذا بدون ما يكون شكوى
لو ركزت بحثك في أسباب الفقر وظهور العلاقات السيئه والأحداث زي المرض والحرب
هتعرف السبب
إنفض كسلك وداوم البحث والسعي
وصدقني لازم تعرف بقدر تركيزك وسعيك ومثابرتك
أنا عرفت بالطريقه دي وحياتي اتغيرت بالكامل
وانت كمان تقدر تعرف بنفس الطريقه
متستناش شخص يسقيك بالمعلقه وشخص ييجي يغيرك
التغيير بإيدك بس تتحرك
دكتورة فاطمه محمود
تابعنا على
