ستايلك حكايتك
ستايلك حكايتك
كتبت/د/شيماء صبحى
الموضة.. أكتر من لبس شكله حلو
فيه ناس كتير فاكرة إن الموضة يعني لبس غالي، أو إنك تلبس من براندات، أو تمشي ورا اللي بيقوله “التريند”.
بس الحقيقة؟ الموضة أكبر من كده بكتير.
الموضة مش بس لبس… دي لغة.
أيوه، لبسك بيتكلم عنك من غير ما تقول ولا كلمة.
يعني لما تلبس oversize، ولا كلاسيك، ولا casual، ولا حذاء لونه صارخ، كل تفصيلة فيك بتقول حاجة عنك… عن شخصيتك، مزاجك، ثقتك في نفسك، وحتى حالتك النفسية!
طب إيه أصل الموضة؟
الموضة زمان كانت وسيلة الطبقات الراقية تميز نفسها، بس مع الوقت بقت وسيلة للتعبير عن الذات.
اللي يلفت في الموضة مش إنها موحدة، بالعكس… جمالها في الاختلاف، كل واحد بيختار على ذوقه وعلى راحته.
بس للأسف، دلوقتي بقينا نعيش في عالم بيضغطنا نكون “شكل واحد”، ولو مش لابس “اللي لابسوه” الناس، تبقى مش “on trend”.
فين المشكلة؟
المشكلة لما الموضة تتحول من وسيلة تعبير، لوسيلة ضغط.
يعني بدل ما ألبس اللي يريحني ويشبهني، ألبس علشان أرضي الناس وأهرب من “الكلام”.
ناس تلبس لبس مش عاجبهم، ولا لايق عليهم، بس علشان الترند بيقول كده.
وده بيخلي الموضة تبقى سجن مش حرية.
طب الحل؟
لبس اللي يعبر عنك: مش لازم تلبس أغلى حاجة، المهم تلبس اللي لايق على شخصيتك، جسمك، ومودك.
اختار مش تقلد: متخليش أي تريند يحركك… التريند اللي مش لايق عليك، مش ليك.
استثمر في الستايل مش البراند: ممكن تلبس من محلات بسيطة وتكون شيك جدًا… الشياكة مش بالماركة، بالشخصية.
أوعى تربط قيمتك بشكلك: شكلك مهم، بس مش هو اللي يحدد قيمتك. لبسك لازم يكون مساعدك، مش بيخنقك.
وفي الآخر؟
الموضة مش للناس… الموضة ليك.
خلي لبسك يحكيلك ح
كايتك، مش حكاية حد تاني.
