شريكي مش عدوى
شريكي مش عدوى
كتبت/ شمس فتحى
اللي يكسب النقاش مش بطل واللي يخسر مش عدوى
إحنا صف واحد وفريق واحد مش ساحة حرب
في عز الخناقة بننسى إننا إخترنا بعض بننسى إن عندنا بيت واحد وولاد واحدة وهم واحد
وفجأة بنلاقي نفسنا بنتعامل كأننا في ماتش يا أكسب يا أخسر
طب واللي في النص؟ البيت؟ بيخسر
مفيش كسبان وخسران
في البيت مفيش حد بيكسب لوحده يا نكسب إحنا الإتنين يا بنخسر إحنا الإتنين
اللي صوته علي مش بطل واللي سكت مش ضعيف إحنا بنحل مش بنتصارع
المشكلة هي العدو مش بعض
لما المصروف يزنق المشكلة هي الفلوس مش جوزي
لما الولاد يتعبونا المشكلة هي التربية مش مراتي
إسأل نفسك أنا بتخانق مع مين؟ مع الشخص ولا مع المشكلة؟
كلمة بتطفي الناروجمل نحفظهم ونستخدمهم في عز العصبية
“ثانية… احنا صف واحد فاكر؟”
بترجعنا لأرض مشتركة
“أنا متضايقة من الموقف ده مش منك”
بنفصل بين الفعل والشخص
طب نحلها سوا إزاي؟بنحول من هجوم لشراكة
البيوت مش بتتهد بخناقة كبيرة بتتهد بـ 100 خناقة صغيرة حسينا فيها إننا أعداء
إرجعوا إفتكروا إحنا إخترنا بعض عشان نكمل سوا
فالمرة الجاية قبل ما كلمة تطلع إسأل نفسك أنا عايز أكسب؟ ولا عايز بيتنا يكمل؟
