حد بيشاركني حياتي حتى لو مش قاعد معايا ٢٤ ساعة بس بنفكر مع بعض ،، بنحلم مع بعض ،، بنضحك مع بعض ،، بنزعل مع بعض ،، بندعم بعض ،، ما بينا قيم وأهداف واحترام ومعاني مشتركة ..
يعني اتنين اصحاب كل واحد فيهم شايف في التاني اللي محدش شايفه ،، عارف عيوبه بس متقبله زي ماهو ،، مش بيحاول يسيطر عليه ولا يخنقه بالعكس ..
كل واحد بيسعى انه يبني رصيد عند التاني بكلمة صغيرة ،، بلفتة بسيطة ،، بإهتمام واحتواء ،، بوقفة جدعنة وقت الشدة
..
شريك حياة يعني نعرف بعض كويس
يعني بنستمتع بالوقت اللي بنقضيه مع بعض وبيعدي بسرعة جدا ،،
بنرغي وبنحكي وبنفضفض وبنتجنن واحنا مش خايفين من حاجة لأننا صحاب ورفقاء،، لأننا شركا في الحياة ،،
لأننا رغم أي شيء حصل أو هيحصل هنفضل متبتين ف بعض ،، مفيش مكان ل أي غُربة بينا ،،
حتى لو زعلنا لأي سبب كان، بنكون عارفين هترسى على أي ودي احلى حاجة في الدنيا حقيقي
