من اسوء أنواع العلاقات الحياتية.العلاقة اللي بيحس فيها شخص أنه متميز على التاني في أي شئ بغض النظر عن نوع التميز سواء عقلي ،فكري،اجتماعي ،ديني أو ثقافي فيبدأ يشوف نفسه على “راسه ريشة ” زي ما بنقولها بالعامية أو زي ما بتتقال بالانجلش” the upper hand”. يعني اليد العليا لشعوره بمركز قوته فيبدأ بالسيطرة على الشخص أو العلاقة أو مجريات الأحداث والأمور التي تخص احداهما أو كلا الطرفين.
لو انت الشخصية إللي على رأسها ريشة . احب اقولك كل الناس في كل العلاقات مهما كانت صداقة ،حب،زواج أو حتي عمل بطريقتك دي هتكرهم فيك . إن محاولتش تعدل من طبعك هتفضل في النهاية لوحدك أنت والريشة خليها بقي تنفعك وقتها.
أما الشخص الآخر اللي قدامه نموذج الشخص إللي على رأسه ريشة. احب أقولك ربنا من فوق سبع سموات قالك ولقد كرمنا بني آدم. مينفعش ربنا يكرمك وتخلي حد مهما كان قيمته عندك او جاذبيته أو حبك له يشوفك أقل منه أو يتحكم فيك.حط كرامتك في كفة وان حد يعاملك بالطريقة دي في كفة تانية . دايما خلي كرامتك الكفة الرابحة لأن عمر ما حد أتنازل عن كرامته وحد احترمه مهما كان شخص كويس وفيه كتير من المميزات.
