عيد استقلال لبنان

عيد استقلال لبنان

٢٠٢٥/١١/٢٢

**

ملفينا توفيق ابومراد 

عضو اتحاد ألكتاب اللبنانيين 

**

ب هل اليوم المجيد كنا

نفرح و نحن زغار

اليوم عيد الاستقلال

نحن ببلاد الأحرار

كبرنا كشفنا و زعلنا

لبناني بمرمى النار 

كل من عم ينتش شقفة

شوفوا الحبل ع الجرار

الحروب علينا تنشن 

حتى يعيشونا بالعار 

العدو رامي شباكو 

و بشن علينا الشنار 

يا ما عشنا ببحر الظلم

 بمحيط فارض الاخطار  

ساعة نحن ضحايا و

ساعة بيتفقوا الأخيار

شو هل الحلقة المجدولة 

هيدا البيت رح ينهار

تهديد بيلحق تهديد 

و القيمة ضاعت بنهار

ت عيد البيت لعمرانو

لبناني باقي دايم دوم

جذوروا بقلبي باركانو

تنعيدو بحسن الدبار 

تنعيد حدودو لأزمانو

يرجع جنة مهما صار 

يعودوا ولادو سكانو

يتكاتفوا زغار كبار 

حتى يتممو الإعمار

2025/11/22