أدب وثقافه

غيابك سحر أبوالعلا

غيابك عني كان لازم.

عشان قلبي العاصي يتوب.

وكان أكيد هييجي يوم.

يبان مين غالب مين مغلوب.

أنا وقلبي كتير كنا بنتراهن.

هيكمل حبنا ولا في يوم هيغيب.

يقول قلبي أكيد هيدوم.

واقوله فوق من حلمك يلا يا موهوم.

مفيش حبيب يغيب ويعود

الحبيب دايما يكون موجود.

يرد قلبي يقول جايز يغيب

لكن غيابه لا يمكن يوم هيدوم.

وغبت كتير وقلبي عليل ومستني.

يداري كسوفه ادامي.

واقول يمكن في يوم ترجع.

تفرح قلبي اللي مستنيك.

على أمل ان حبه يعود.

فيكسب رهانه أكيد.

لكن قلبي أكيد خسران.

راهن علي حب كان أوهام.

لكن أكيد.

غيابك عني كان لازم.

عشان يفوق قلبي الموهوم.

سحر أبوالعلا

اترك تعليقاً

زر الذهاب إلى الأعلى