في غيابك يابا هان ضنايا ذكريات من زمن فات كن مع الله وبار الوالدين ستفتح لك الابواب المغلقة
لقيت واحد نازل شتيمه في ابوة وعايز يضربه لانه ضرب ابنه الصغير رحت سال نفس السؤال بتاع الاستاذ احمد التهامي يوم ما ابويا وابني ضاعو مني هندور علي مين الاول فرجت بالذاكرة لسنه 2012لاسود يوم مر بحياتي لما سبت ابويا بعد ما اخد جرعه الكيماوي وسبت معاه ابني وليد وكان عنده 3سنين علي الكافتريا اللي امام مستشفي الاورام ودخلت اجيب العلاج وطلعت مش لقيت حد منهم ينهار اسود راحو فين وفضلت ارن مغلق مغلق وفضلت ادورو ادور وادو وادو شمال ويمين قلت روحو بقي بس ازاي ابويا عمره ما هيمشي من غيري رنيت علي الدكتور التهامي شهاب Tohamy Shehab ومعاه الواد وليد قالي تعال اكيد جم روحو اركب وتعال ركبت وجيت بعدهم باربع ساعات وصلت العصر البيت هما لسه مش وصلو رنيت علي الدكتور التهامي تاني وقلت ليه هاخد الاستاذ احمد التهامي وندور عليهم في المنصوره تاني رحنا المنصوره وفضلنا ندور مفيش اي اثر ليهم والليل دخل والعشا اذنت وارن علي البيت محدش روح فالاستاذ احمد راح راشق وخابط السؤال عايز تلاقي مين الاهم قلت ليه لو لقيت ابويا ابني لو في اخر الدنيا هيرجع لو دورت علي ابني مش هلاقي حد فيهم وهيضعو مني للابد عايز ابويا وبس لان بعدها ابني هيرجع ده اختبار من ربنا مين اهم عندي فاجئه تلفون ابويا اتفتح يا كرم ربنا ايوه ياعم انت فين لقيت اللي برد احنا لقينا صاحب التلفون مرمي في شط ترعه اشمون متوفي
انت مين انا ابنه طيب احنا غطناه وتعال احنا عنده اهو طيب نص ساعه وهكون عندكم الاستاذ احمد قالي البقاء لله وشد حيلك قلت ليه ابويا عايش ياعم اقسم بالله ابويا مش مات اكيد عيبوبه الكبد اللي بتجي ليه حتي من لهفتي علي ابويا مش سالت معاه عيل او مش معاه ولو ركب من المنصوره هينزل اشمون ليه مفروض منيه النصر وطول الطريق عمال اقول للاستاذ احمد التهامي لقينا ابويا كده ابني هيرجع نودي بس ابويا المستشفي وبعدها هندور علي وليد هنلقيه قالي ابوك مات قلت ليه عايش وصلنا عند ابويا متغطي ببطانية جنب مخزن اسمنت اول ما وصلت هما البقاء لله مش انتظرتهم حتي خبطت راسه براحه كده راح مفتح عينه قلت ليهم والله عارف انه عايش وكنت متاكد اتصلنا بالاسعاف وابويا اول مريض غيبوبة كبدية طلب معاه المشي ومشي من المنصوره لحد اشمون الرمان سبحان من هداه الطريق وهو لا يدرك شيئ .
واخدناه علي المستشفي كان التلفون بتاعي خلص شحن والاستاذ احمد كمان خلص شحن واحنا بقي داخلين علي مستشفي منية النصر قلت للاستاذ احمد ابويا رجع وليد هيرجع والاسعاف داخلت طلعنا ابويا قسم الباطنه وسبته ونازل للاستاذ احمد التهامي كان راح يشحن تلفون مع اي حد معاه شحن و اشحن التلفون لقيت الاستاذ احمد مبتسم وبقول لي وليد رجع البيت يا منت كريم ياارب
مين قالك قول والنبي يا استاذ احمد قال لي والله نادر اتصل وقالي والله تلقائي سجدت لله حمدا 2رجعو في وقت واحد لان دورت علي ابويا وليد بقي رجع ازاي الفضل لدكتور لقاه واقف بيعط جنب اشارة جيهان لفت نظره طفل بعيط شايل شبشب كبير وقف شويه مش لقي حد جاله نزل اخده ووليد طفل 3سنين من الخوف والرعب الدكتور فضل معاه لحد ما هدي وجاب ليه بنطلون قدر يوصل لاول الخيط بلدكم ايه قال الميزانيه قال هو يا اما من ميزانيه ميت ضافر دكرنس او ميت فارس بني عبيد ندور بقي راح ذاع في الجوامع محدش اتعرف عليه من البلديين فين قرب العشا واحد قاله في ميزانيه في منية النصر قاله انا اعرف رئيس مركز شباب هناك في كفر قنيش يمكن يطلع يعرف مين وجدي احمد نعمان ده رنو علي الاستاذ محمد ابو العز وكان معاه الاستاذ سيد كمال قالو ليه تعرف واحد اسمه وجدي قال ليهم طبعا ده من الميزانيه جنبا قالو ليهم احنا لقينا ابنه وجايين ليكم اهو ووصل الدكتور عند الاستاذ محمد ابو العز والاستاذ السيد كمال اللي جابو وليد لحد الشارع علشان في نفس لحظه دخول ابويا المستشفي يكون وليد داخل البيت فكن مع الله بر بالوالدين لن يهزمك احد ولن يغلق باب في وجهك ابدا
ومن لا يشكر الناس لا يشكر الله خالص الشكر والتقدير والاحترام
الاول الدكتور التهامي شهاب والثاني الاستاذ احمد التهامي والثالث المغفور له باذن الله وقراء الفاتحه له الاستاذ محمد ابو العز والرابع الاستاذ المحترم الاستاذ السيد كمال مدير مدرسة الثانوي ورئيس مركز شباب كفر قنيش والاستاذ نادر السيد قاسم
