عالم الطفل والمراءة والموضة
كلام بنات كتبت/د/شيماء صبحى
كلام بنات
كلهم بيحبوا كلهم بيصاحبوا
كلهم مرتبطين! دفعتي كلها كده!
كل البنات بيعملوا كده
أكيد مش كلهم غلطانين وانا اللي صح!
كلام كتير بنسمعه من بعض البنات
في أحكام الدين، لو الدنيا كلها عملت حاجة حرام هتفضل حرام. الصداقة وعلاقات الحب اللي مالية الشوارع والجامعات مش هتخلي الحكم يتغير ويبقى حلال!
الحرام هيفضل حرام، بس اللي هيثبت ويحافظ على نفسه ويتمسك بدينه أجره مش هيضيع ..قال رسول الله صلى الله عليه وسلم: “إِنَّ مِنْ ورائِكُم زمانُ صبرٍ ، لِلْمُتَمَسِّكِ فيه أجرُ خمسينَ شهيدًا منكم”.
لكل بنت حاسة إنها غريبة في وسط بنات دفعتها ، اثبتوا فإنكم على الحق
ثقتك بنفسك ليها دور كبير في جذب أشخاص افضل
الثقة بالنفس سر من أسرار الجمال
كتيير بنات جمالها خارق بس لما تيجي تتكلم تضيع جمالها
كتيير بنات عندها وظيفة مرموقة ودخل عالي وحياه اجتماعية مبهرة بس مبتعرفش تعبر عن نفسها ولا تبرز هويتها
عشان تشتغلي على ثقتك بنفسك وتنميها وتطوريها
محتاجة تتعرفي على نقاط قوتك وتبرزيها في تعاملاتك مع الناس
اكسري دايرة الخوف بإنك تعبري عن نفسك وتقبليها حتي لو بتغلطي وانتي بتحاولي
لأن ممارسة التعبير عن نفسك مرة في مرة هتخلي الخوف يروح
اتعلمي فنون الحديث والاتيكيت واشتغلي على عقليتك وجمالك الداخلي والخارجي
عودي نفسك تقدميلها مشاعر المرح “joy “ومشاعر الاهتمام لأن دا بيؤثر في إنك تكوني مرتاحة مع نفسك وبالتالي بتشعري بالحرية
اقرئي كتير لأن القراءة والثقافةبتثري عقلك بالمعلومات اللي بتخليكي عندك القدرة عن الحديث في اي موضوع بطلاقة وحرية
انتى افضل ثقى بنفسك
