لما تبقي ناجحة ….بيعملوا فيك إيه ؟
لما تبقي ناجحة… بيعملوا فيك إيه؟
كتبتها: د/ شيماء صبحي
(أول واحدة لاحظت إن النجاح مش بيرجع الحبايب… ده بيولّعهم!)
١. اللي كان بيتجاهلك…
رجع؟ رجع وهو عامل نفسه مش شايفك… بس بيحط لايك على صورة من ٢٠١٨
بيكتب كومنت: “برافو، فخور بيكي!”
والحقيقة؟
هو بيموت من الغيظ بس مش قادر يعترف إنه ضيّع ألماسة وافتكرها حجر!
تحليل نفسي:
ده مش دعم… دي رسالة مشفّرة: “لسه بفكر فيكي، بس مش هاعترف!”
الحل: لايك على تعليقه؟ لأ طبعًا!
بلّكيه بلُطف أو طنّشي بنفس الجاذبية اللي وصلتك للنجاح
٢. اللي سابك عشان مش “قدّ مستواه”
دلوقتي؟
بيتفرج على نجاحك وهو بيشرب نسكافيه ٣×١ في مكتبه العادي جدًّا
بيقول لنفسه: “هي اتغيرت… بقت مغرورة!”
لا يا روحي،
ما اتغيرتش… هي طلعت من قوقعتك وفتحت جناحاتها
تحليل نفسي:
بيحاول يبرر لنفسه إن هو اللي اختارك، وإنك ما تستاهليهوش دلوقتي!
الحل: كمّلي نجاح، من غير ما تبرري
أنتي ما كنتيش مغرورة… أنتي كنتي مش مفهومة
٣. اللي فضّلك على واحدة “عاديّة بس مستقرة”
دلوقتي؟
شايفك بتلمعي، وبيبص للّي معاه ويقول: “ياريتني صبرت”
بس خلاص… فات القطار، وهو لسه واقف على الرصيف بيستنى اللاشيء
تحليل نفسي:
عايش في جلد ذات، وبيحاول يطبطب عليه بكوباية شاي
الحل: إياكي ترجعي! أنتي ما بقيتيش محطة… أنتي بقيتي وجهة سياحية كاملة!
٤. اللي قالك: “مش هتنفعي”
قالك: “ركّزي في جوازك أحسن… الشغل مش للستات!”
دلوقتي؟
بيعمل فولو للأكاونت بتاعك الجديد
وبيحكيلك عن مشاريعه اللي ما حصلتش
وبيسألك: “إيه رأيك أبدأ بزنس؟ تنصحيني بإيه؟”
تحليل نفسي:
شايفك قدوة… بس مش عايز يقولها بصوت عالي
الحل: قولي له: “ابدأ بالإيمان بنفسك… زي ما أنا عملت!”
واكملي حياتك من غير تضييع وقت
٥. اللي بيحبك ولسه ساكت
شافك ناجحة؟
بيعيش في صراع: “أكلمها ولا تبقى شايفة نفسها؟”
بيرجع يراجع شات قديم، ويتمنى لو قالك: “أنا بحبك من زمان”
تحليل نفسي:
لسّه بيحبك… بس بقى حاسس إنه صغير أوي جنب نجاحك
الحل: لو قلبك لسه معاه، افتحي طاقة بسيطة
بس لو لسه ساكت بعد كل دا؟
سيبيه يتفرج من بعيد لبعيد… وانتي كمّلي تلمعي
الخلاصة:
النجاح بيغربل، بيغربل الناس والمشاعر والكلام
اللي حبك قبل ما تلمعي… ده كنز
واللي جالك بعد ما نورتِ… ده إما متسلق، أو معجب
لكن فكرّي دايمًا:
الن
اجحة مش بتنتقم… الناجحة بتكمل، وبتخلي نَفسها أعلى رد.
