لما تحب نفسك صح تعيش مرتاح مع روحك كتبت/د/ شيماء صبحي يا سلام على الإحساس لما تبقى راضي عن نفسك، مش محتاج رأي حد عشان تحس إنك كويس،ولا مستني كلمة مديح من بره عشان تطلعلك ضحكة من جوه. التقدير العالي للذات مشرفاهية ولا حاجة كده بتتقال في كتب التنمية البشرية وخلاص، لأ، هو أساس الراحة النفسيةوالتناغم اللي بينك وبين نفسك. إنت لما تبقى شايف قيمتك، بتعامل نفسك بلطف، وبتسامحها لما تغلط، وبتوقفها لما تتجاوز. مش بتجلدها ومش بتسيبها سايبة. يعني بتعمل معاها زي ما تعمل مع شخص بتحبه وعايز لهالخير. التقدير العالي للذات بيخليك مش محتاج تتسول حب ولا اهتمام من حد، لإنك ببساطة عارفإنك تستاهل الخير. ساعتها علاقاتك تبقى أنضج، مش هتتعلق تعلق مرضي ولا تبقى عبد لكلمة"أنا من غيرك ما أقدرش". لأ، هتبقى داخل أي علاقة وإنت مليان مش فاضي. كمان التقدير لنفسك بيخليك تبص للحياة من زاوية مختلفة: الغلطات تبقى دروس، مش نهايات. الفشل يبقى محطة مش مقبرة. النجاحات الصغيرة تبقى كافية ترفع معنوياتك وتديك دافع تكمل. لما تحترم نفسك وتقدّرها، هتلاقي إن جوهرك بقى منسجم، وصوتك الداخلي بقى أهدى. ومهما حواليك حاولوا يكسّروك أو يقللوا منك، إنت هتفضل واقف، لإنك مش مستني شهادتهم،إنت عارف قيمتك من جواك. والحلو إن دا بينعكس كمان على شكلك وحياتك. تلاقيك بتتعامل براحة، بتهتم بنفسك أكتر،بتعرف تقول "لأ" من غير ما تحس بالذنب، وتعرف تقول "آه" من غير خوف. في الآخر، التقدير العالي للذات مش إنك تبقى مغرور ولا متعالي. لأ، هو ببساطة إنك تعرف مينإنت.. تحب نفسك بوعي، وتعيش في سلام معاها، وساعتها الحياة كلها تبقى أخف وأجمل. خطوات عملية ترفع بيها تقديرك لذاتك: 1. اعترف بإنجازاتك الصغيرة حتى لو حاجة بسيطة زي إنك خلصت شغل بدري أو قريت صفحة من كتاب، قول لنفسك"برافو عليا". ده بيغذي ثقتك بنفسك. 2. وقف المقارنة بالناس قارن نفسك بنفسك، إنت كنت فين وبقيت فين، مش بغيرك. المقارنة المستمرة بتاكل ثقتكوبتخليك دايمًا حاسس إنك أقل. 3. عامل نفسك بلطف ما تعاتبش نفسك بطريقة جارحة. لما تغلط قول: "غلطت.. بس هتعلم"، مش "أنا فاشل". 4. احط حدود واضحة اتعلم تقول "لأ" لأي حد بيستغل طيبتك أو وقتك. الحدود مش قسوة، الحدود احترام. 5. ركّز على نقاط قوتك كل واحد فينا عنده حاجة مميزة. اكتشف إيه الحاجة اللي بتعرف تعملها كويس ونمّيها. 6. اهتم بمظهرك وصحتك لما تهتم بنفسك من بره، ده بينعكس على إحساسك من جوه. 7. اكتب إيجابياتك مسك ورقة وقلم واكتب فيها 10 حاجات بتحبها في نفسك. ارجع لها وقت ما تحس إنك واقع. 8. ابعد عن الناس السامة اللي دايمًا بيقللوا منك أو بيسخروا منك. إنت مش محتاج أصوات تشككك في قيمتك. 9. سامح نفسك على الماضي كلنا غلطنا، بس مش كلنا سامحنا نفسنا. الماضي مش بيتغير، لكن إنت تقدر تبدأ من النهارده. 10. ادعم غيرك من قلبك لما تدي طاقة حب وتشجيع للي حواليك، هتلاقي قلبك بيرجع يديك نفس الطاقة. لما تطبق الخطوات دي واحدة واحدة، هتلاقي تقديرك لنفسك بيعلى من غير ما تحس،وساعتها هتعيش متناغم مع نفسك بجد، وتبقى راضي ومرتاح.
