متبقاش نسخة من حد خليك الحكاية اللي الناس تحكي عنها
متبقاش نسخة من حد خليك الحكاية اللي الناس تحكي عنها
كتبت/د/شيماء صبحي
في ناس بتعيش عمرها كله وهي بتحاول تبقى شبه غيرها… تقلد في الكلام، واللبس، وطريقة التفكير، وحتى الأحلام. وفي ناس تانية قررت تبقى مختلفة، وده هو الفرق بين الإنسان العادي، والإنسان اللي بيسيب بصمة.
التفاؤل مش إنك تتوقع إن كل حاجة هتمشي زي ما أنت عايز، لكنه إنك تبقى واثق إن أي حاجة بتحصل ليها حكمة، وإن بكرة لسه شايل فرص جديدة تستحق إنك تعيش عشانها.
الإنسان المتفائل مش معناه إنه معندوش مشاكل، بالعكس… يمكن عنده هموم أكتر من غيره، لكنه اختار يبص للنور بدل ما يفضل مركز في الضلمة.
كل يوم تصحى فيه، عندك اختيار…
يا إما تقضي يومك بتشتكي من الظروف، يا إما تستغل الظروف دي وتخليها سبب يخليك أقوى.
متقولش: “أنا شخص عادي.”
لأن مفيش إنسان اتولد عظيم، لكن فيه ناس قررت تشتغل على نفسها كل يوم لحد ما بقت عظيمة.
اقرأ أكتر…
اتعلم أكتر…
اسأل…
اغلط…
قوم…
وجرب من جديد.
كل مهارة جديدة بتتعلمها، وكل عادة سيئة بتتخلص منها، وكل فكرة إيجابية بتزرعها جواك… بتقربك خطوة من النجاح.
خليك الشخص اللي لما يدخل مكان يضيف قيمة، مش مجرد رقم موجود وسط الزحمة.
التميز مش إنك تكون أحسن من غيرك…
التميز الحقيقي إنك تكون أحسن من نفسك اللي كانت امبارح.
متستناش فرصة العمر…
اصنعها.
ومتستناش حد يؤمن بيك…
ابدأ آمن بنفسك الأول.
ومتقولش: “الوقت فات.”
لأن الوقت الوحيد اللي فات فعلًا هو الوقت اللي ضاع وإنت واقف مكانك.
النجاح بيحب الناس اللي عندها شغف، واللي بتكمل حتى وهي تعبانة، واللي كل ما تقع تقوم وهي أقوى.
افرح بأي خطوة صغيرة بتعملها، لأنها مع الوقت هتبقى مسافة كبيرة بينك وبين الشخص اللي كنت عليه.
ولو قابلتك لحظات إحباط، افتكر إن كل شخص ناجح مر بأيام حس فيها إنه مش قادر يكمل، لكن الفرق إنه مكملش وهو مستني الحماس… كمل لأنه مؤمن بهدفه.
خلي التفاؤل أسلوب حياة، مش مجرد كلمة بتقولها.
اتكلم بإيجابية…
فكر بإيجابية…
اشتغل بإيجابية…
هتلاقي حياتك نفسها بدأت تتغير.
وفي الآخر افتكر…
الدنيا مبتفتكرش الناس اللي عاشوا عادي…
الدنيا بتفتكر الناس اللي آمنوا بنفسهم، وتعبوا، وصبروا، ورفضوا يكونوا نسخة مكررة.
فخليك مختلف…
خليك صاحب أثر…
وخلي كل يوم يعدي عليك يضيف لحلمك خطوة، ولشخصيتك قيمة، ولروحك نور.
لأن الحياة قصيرة جدًا… إنها تتعاش بشكل عادي، وأنت قادر تكون إنسان مميز يسيب بصمة جميلة في كل تمر بيه
وفي النهاية…
متبقاش مستني حد يقولك إنك مميز…
اشتغل على نفسك لحد ما نجاحك هو اللي يتكلم عنك.
ومتستناش الظروف تتحسن…
خلي اجتهادك هو اللي يحسن ظروفك.
كل يوم يمر من عمرك اسأل نفسك سؤال واحد:
“أنا النهارده بقيت أفضل من امبارح؟”
لو الإجابة “أيوه”… حتى لو بنسبة 1%…
اعرف إنك ماشي في الطريق الصح.
خليك مختلف…
خليك صاحب رسالة…
وخلي أثرك الطيب يسبق اسمك في كل مكان.
لأن في الآخر…
مش اللي عاش أكتر هو اللي كسب…
اللي كسب هو اللي عاش وهو بيحقق حلم، وبيفيد غيره، وبيسيب بصمة عمرها ما تتنسي.
