مخ ولا جهاز كشف الكدب بقلم تغريد نافع

مخ ولا جهاز كشف الكدب

بنلاحظ أحياناً ان في شخص دايماً بيتجنب التجمعات العائلية الكبيرة او خروجات وفسح فيها أعداد كبيرة.

في الغالب الناس بتتسرع في الحكم علي هذا الشخص ان المشكلة فيه هو او انه انطوائي وبيحب العزلة والهدوء، وده مش صح بدليل انه اوقات تانيه بيحب يختلط بناس هو اختارهم وحابب وجوده وسطهم مش مفروضين عليه.

السبب الحقيقي ان الشخص ده شخصية حساسة وذكية جداً وبالفطرة بيفهم جداً في لغة الجسد . بيعرف يفسر كل ضحكة مزيفة وكل نظرة عين حاقدة وبتبين عكس ده. وكل لغة جسد تبين الكره او النفور حتي لو الشخص ده مبين عكس كده.