لما تدى حد الثقه والأمان وتنخدع فيه ما تحزنش عليه
لما تقول عليه دة اقرب إنسان ليا وبعد فترة يتغير عليك متحزنش
معرفش ممكن إنسان يأذي إنسان مأمنه إزاي ؟؟؟
إزاي بيعيش وينام ويضحك و في حد قلبه اتملى حزن بسببه…….
شعور الخذلان من أصعب المشاعر اللي بتمر على قلب الإنسان
وجع غير متوقع من شخص غير متوقع
جبران خليل جبران قال عن الخذلان:
«ولقد ارتضيتَ ليَّ الأذى وأنا الذي كنتُ أحسبُك أرق على قلبي مني »
اللحظة اللي بيتكشفلك فيها الوجه السيء للناس مرعبة
بتحس وقتها إنك في كابوس مش عارف تفوق منه
تخيل أن المكان اللي كنت مطمن أوي فيه و فاكر إن مفيش بعده أمان فجأة اتحول لبيت من بيوت الرعب
وبتدخل في حالة من الذهول و التوهه بتفقدك إتزانك لفترة من الوقت وطبعاً كان سببها إن الضربه جت من أقرب حد ليك !
وصف أحدهم الخذلان بـ
«استثنيك من بين الجميع لأحارب بك الدينا فتحاربني أنت والدنيا معاً»
صدمة كبيرة هاتفقدك الثقة في كل شيء لو إيمانك ضعيف
وهاتحس وقتها إنك مخنوق ومش قادر حتى تتنفس
فيه حاجة طابقة على صدرك
حرقه وضغط و دموع كاتمها جواك
خايف حتى تظهر مشاعرك لأي حد مع أنك عاوز تصرخ بأعلى صوت
محطة في العمر تتمنى أنها تعدي بسرعة قبل ما تخلص عليك الحياة كانت قبلها شيء و بعدها شيء تاني
ربنا قادر يجبر الخواطر والكسور وينزع الحزن والخيبة من القلوب
