معلومة زراعية كل ما يهمك حول زراعة البنجر

بقلم م . وجدى نعمان

 السؤال 

هل البنجر يمتص الصوديوم من التربة؟

الإجابة 

أيوه بنجر السكر بيمتص جزء من الصوديوم (Na⁺) من محلول التربة.

السؤال 

 بس حضرتك يا بشمهندس قولت انه مش بيقلل ملوحة التربة لكن بيزرع في بيئة متاثرة بالملوحة ؟

الإجابة 

ايوه الكمية اللي بيمتصها النبات محدودة جدا مقارنة بكمية الصوديوم المتراكمة في التربة فالنبات ما يقدرش يخزن أو يسحب الأملاح بالدرجة اللي تنقص تركيزها الكلي في التربة.

السؤال 

حضرتك قولت في منشور تاني انه بيمتص الصوديوم وفي منشور تاني مش بيقلل ملوحة التربة ؟

الإجابة:-  امتصاص الصوديوم في البنجر آلية فسيولوجية للتعايش مع الملوحة (بيخزن Na⁺ في الفجوات العصارية عشان يقلل أثره السام على الخلية).

السؤال:- 

ليه ما يعتبرش علاج للملوحة؟

الإجابة:- لو فدان أرض فيه ملوحة تعادل عدة أطنان الكمية اللي يمتصها محصول البنجر لا تتعدى بضعة كيلوجرامات من الصوديوم داخل الجذور والأوراق.

يعني حتى لو زرعت الأرض 10 مرات متتالية ببنجر التأثير على خفض الملوحة هيكون شبه معدوم.