الحدوتة شعر / إكرام سليم إتعودت اكون صبارة أبلع دمعي بكل مرارة وإتعودت كمان لما الدنيا تمطر أفرح أحضن نقط المية التاية أخدها في حِجري أطلع أجري ألم إصحابي نطلع فوق التوتة الشايخة ونفضل نحكي في الحدوتة الحدوتة كتير حواديت فيها العسكر والحرامية وعلي بابا والاراجوز فيها ناس تاهت عن خطوتها لفين رايحين ولفين جايين مش عارفين ولا لقيين أي دليل ناس بتقول إنقلابات وناس ماشية في مظهرات وناس ماتت بإيدين ناس الناس دوووول كانوا اصحاب وجيران واخوات كانوا يتلموا في القمراية حوالين بعض يصبروا بعض يحكوا ويحكوا ..لحد الصبح كانت النية الصافية تملي بتجمعهم رغم الجوع وعذاب الفقر قبل مايدخل بينا الغدر يقتل حب كبير كان عايش بيقوينا مات الحب وخد في طريقه كل مالينا مات الحب ودفناه وبقينا نترحم علي دنياه لكن ...فضلت حاجة غصبٍ عنا بتجمعنا بس ياعيني من غير حب بقينا كمان بخاف من بعض ونخوووون بعض علشان ماتت فينا النخوة وكل معاني الحب الحدووووتة كتير حواديت سرقة قتل حرق انتهاكات وناس تنداس بالمداسات والحرامية والعصابات بقوا أسيادآدي الدنيا ناس شقيانه في المراسي ناس بتموت م المآسي وناس هتمووووووت ع الكراسي وعجبي ...
