برجك وطالعك ليوم الخميس الموافق 2026/5/14
بقلم د. نجلاء كثير
نجدد اللقاء مع برجك وطالعك ليوم الخميس الموافق 2026/5/14
ونجدد التذكرة بأنه كذب المنجمون ولو صدقوا
الحمل ♈
تحلم وتسعى للتغيير وعم يكون الوضع المالي شاغل تفكيرك بس لا داعي للقلق من المستقبل لانو الأمور رح تصفى لصالحك، المهم تنتبه لصحتك وما تهملها أبداً، وفي اتصالات عم تصير مع ناس قراب منك بخصوص ترتيبات مالية ومواضيع بتخص العمل وممكن تحس بضغط لحتى تبلش بمصالحات معينة، وبنفس الوقت حاسس جواتك بشوية خوف وقلق من بكرة ومن قصص المستقبل لهيك حاول تهدي حالك وتخفف انفعالاتك لحتى ما تضيع طاقتك عالفاضي، وانتبه من أي نقاش أو خلاف بخص موضوع عقار مع حدا مقرب منك وهاد الشي عم يدايقك ويعملك كركبة، فخليك قوي وما تضعف وطول بالك مع إخواتك ولا تفتح معهم قصص قديمة بتعمل خلافات، خصوصاً إنو وضعك بالشغل عم يتحسن وأمورك تمام وعم تفكر تزيد ساعات شغلك ونشاطك بس عم تستنى لحتى يصفى ذهنك ويرتاح بالك لتاخد الخطوة الصح
عاطفياً
عم تشعر بعدم تواجد الفرص المناسبة وبدك استقرار وارتباط حقيقي، وإذا كنت مرتبط حاول تاخد الأمور بهدوء وتحل المواضيع المالية العالقة مع الشريك بدون عصبية لانو في شوية تعب وتحديات بهي الفترة، وعم تحس إنو الشريك بعيد عنك وما عم يفهم عليك لهيك حاول توصل أفكارك بهدوء ووضوح حتى تلاقوا حل وسط وتفهموا على بعض أكتر وترجع المي لمجاريها
صحياً
انتبه كتير من وجع الراس والعيون وكمان منطقة الصدر ولا تهمل حالك أبداً وخد قسط من الراحة لحتى تقدر تكمل بنشاط وتريح أعصابك من ضغط التفكير
نصيحة البرج
لا تخلي الخوف من المجهول يسرق منك فرحة الإنجاز اللي عم تعمله بشغلك، رتب أولوياتك المالية بحكمة وخلي قراراتك تطلع من راس بارد لانو كلمتك هي اللي رح تمشي بالآخر بس بشوية رزانة وذكاء وبدون انفعال
الثور ♉
ممكن تعاكسك الظروف شوي بهالفترة بس بنفس الوقت في بوادر انفراجات قريبة عم تستناك، وعم تشغلك كتير مواضيع الحركة المادية ودخول مبلغ مالي ليدك، وبنفس الوقت موضوع العمل آخد حيز كبير من تفكيرك مع إمكانية تواجد خبر حلو أو لقاء لفرص شغل جديدة، ورغم إنك ممكن تواجه بعض الصعوبات بموضوع منزل ، بس المهم إنك ما تضل منغلق على حالك وتغرق بالتفكير الزايد، إنت ناطر اجتماع مهم بخصوص مصاري متأخرة إلك أو عم تفكر بموضوع ميراث وهالقضايا شاغلة بالك ومأثرة على نفسيتك، كمان عم تشغلك نتائج شغل جديد بدك تبلش فيه وخايف من توابعه المادية، بس الواضح إنو أمورك بخير والنتائج رح تكون ممتازة، وحتى قصة العقار اللي عم تفكر فيها تطمن لأنو نتائجها رح تكون لصالحك وجيدة جداً
عاطفياً
العلاقة مع الشريك بشكل عام جيدة بس في بعض الظروف المحيطة ممكن تخليك متوتر، مشان هيك حاول تحافظ على هدوئك وما تعكس ضغوطك على الحبيب، وخصوصي إنو حظك بهالكم يوم كتير حلو وممتاز، فاستغل هالفرصة واهتم بالجانب العاطفي وعيش الأجواء الحلوة لتقوي علاقتك أكتر
صحياً
خفف ضغوط عن حالك شوي وانتبه كتير من أوجاع الرقبة ومنطقة الإيدين، ولازم ترتاح وما ترهق جسمك لحتى تضل بصحتك وعافيتك
نصيحة البرج
خلي ثقتك بنفسك كبيرة ولا تخلي الأفكار السلبية تسحبك لورا، الفرص عم تدق بابك والوضع المادي عم يتحسن تدريجياً، بس العبرة إنك تعرف توازن بين شغلك وراحتك النفسية لتقدر تستمتع بالنتائج الحلوة
الجوزاء ♊
تشغلك مواضيع المنزل والعيلة وهاد بيطلب منك هدوء بزيادة وخصوصي بالمناقشات المالية لحتى ما تكبر القصة، وعم تعيش حالة من الانتظار والترقب لأمور شغلك وفي شوية خلاف مع واحد من الأصدقاء ممكن يكون شريكك بالعمل فلهيك حاول تبادر وتصلح الأمور بس خليك حذر، وبالنسبة للمواعيد واللقاءات عم تحسها ما عم تنجح متل ما بدك وحتى موضوع التنقل أو السفر عم يتأخر شوي بس الانفراج جاي، ومن ناحية تانية حاول تمرق هالكم يوم على خير وبدون كركبة لانو لازم تنتبه من أي سوء تفاهم مع الأب، وبالك مشغول حالياً بقصص المادة بس اطمن في مبلغ مالي جاي لعندك وبالطريق ليك، وفي نقاش عم يصير بخصوص موضوع مالي ممكن يكون مرتبط بتطوير شغلك أو مشروع جديد ببالك، وكمان عم ينشغل تفكيرك بموضوع سفر بخص شخص
عاطفياً
وضعك منيح وأمورك ماشية وفي بينك وبين الشريك نقاشات ووعود لمستقبلكم بس القصة بدها منك شوية صبر وطولة بال لحتى تتحقق، والمهم إنك تحاول تكون رايق ومزاجك جيد لانو الشريك أو الحبيب مخبيلك أمور إيجابية رح تفرحك بس ناطر الوقت المناسب
صحياً
انتبه كتير لصحتك وخصوصاً من أوجاع البطن ومنطقة العيون، وحاول ترتاح وما ترهق حالك بالتفكير الزايد لانو صحتك النفسية بتعكس على جسمك
نصيحة البرج
طول البال هو مفتاحك بهالفترة وخصوصي مع الأهل، والمصاري اللي ناطرها رح توصلك بس خليك منظم بمصاريفك، ولا تنسى إنو كل تأخيرة وفيها خيرة بخصوص موضوع السفر أو اللقاءات
السرطان ♋
عم يكون عندك لقاءات وزيارات ممكن تكون مع العيلة بس لازم تنتبه كتير من انفعالاتك وما تخلي عصبيتك تسبقك وحاول تكون أكتر مرونة بتعاملك وتبعد عن أي خلاف ممكن يصير مع رفقاتك أو الناس المقربين منك، وعم تفكر تتقرب من شخص ممكن يكون صديق قديم وبنفس الوقت روق بنقاشاتك مع الأهل لحتى ما يصير في توتر بالجو العام بالبيت، وبالك مشغول بقصة بتخص واحد من الأبناء وعم تاخد حيز من تفكيرك وكمان المسائل المالية عم تشغلك لانو في تأخر بسيط باستلام مصاري من الشغل ومبلغ مالي ناطره بالطريق ليك بس شاغل بالك مستحقات او دفع آجار بخص منزل، وبالنسبة للسفر هي الفترة عم تكون غير مناسبة لأي مشروع جديد بهاد الخصوص فخليك هادي وصبور
عاطفياً
عم تواجه بعض الضغوط مع الشريك وعم تحس بتقل كبير بهي العلاقة لانو في نقاشات بمواضيع بتتعلق بالعقار أو السكن وممكن تكبر وتوصل لتباعد وجفاء، لهيك حاول تهدي اللعب وتطول بالك وتوصل وجهة نظرك بدون عصبية لحتى ترجع الأمور لمجاريها وتكسر الجليد بينكم
صحياً
دير بالك على حالك وانتبه من أوجاع الصدر ووجع الراس المتكرر وحاول تاخد نفس عميق وتبعد عن التوتر والضغط النفسي لانو صحتك هي الأساس
نصيحة البرج
سايس أمورك بالحكمة ولا تستعجل النتائج وخصوصي بالمال والعقار وخلي علاقتك مع المحيط مبنية على المرونة لانو العناد بهالفترة ممكن يخسرك ناس غاليين على قلبك دون قصد
الأسد ♌
ممكن تحس هالأيام بشوية تقيد بحركتك وتراجع بالظروف المالية وهاد الشي عم يخليك تحس إنك مو قادر تتحكم بشغلك اللي بيعتمد على الحركة والنشاط فلهيك حاول تبعد عن العصبية بالنقاشات المهنية لانو ممكن تضطر تحط خطط جديدة كلياً للعمل وضمن بيتك وعيلتك حاول تخلي حوارك إيجابي وما تنجر للمشاكل وبنفس الوقت في لقاء أو اجتماع مهم إنت ناطره وعم تفكر فيه كتير بس الظاهر إنو مارح يتم هلق وبالك مشغول كتير بالمصاريف الزايدة وعم تستنى مبلغ مالي حاسس إنو تأخر عليك زيادة لهيك انتبه لعلاقتك مع الأهل وبعد عن أي توتر بالبيت وفي ببالك فكرة سفر بس القصة لسا بدها وقت وترتيب بسبب الظروف والمادة أما عملياً ففرصك عم تتحسن وتكبر بس حاول تطلب الدعم من الناس اللي بتوثق فيهم لحتى تبلش بمشروعك أو شغلك الخاص اللي عم تحلم فيه
عاطفياً
إذا مانك مرتبط ممكن تحس بشوية تباعد لسا لحتى تلاقي الشخص اللي بيناسب طموحك وإذا كنت مرتبط فالوضع بدو مناقشة هادية مع الشريك لانو هي فترة وبتمرق وبترجع الأمور أحسن ومن الضروري بهالكم يوم تهدي اللعب وطول بالك لأبعد حدود لانو في نقاش رح يصير بينك وبين الحبيب وممكن يقلب لخلاف كبير إذا ما كنت رايق ومسيطر على أعصابك
صحياً
انتبه لصحتك وخفف من عصبيتك ونرفزتك الزايدة اللي عم تتعبك ودير بالك من أوجاع الرقبة ومنطقة القدمين وحاول تسرق وقت للراحة كل ما سمحتلك الفرصة لتجدد طاقتك
نصيحة البرج
لا تخلي تأخر المادة أو الاجتماعات يخليك تفقد ثقتك بخططك المستقبلية لانو الترتيب الصح بدو وقت والفرص المهنية اللي عم تكبر بدها ذهن صافي وبعيد عن المشاكل الجانبية وبكرة كل شي بصير متل ما بدك وأحسن
العذراء ♍
ممكن تتراجع مزاجياً شوي وتنشغل بموضوع منزل أو عقار وعم تحاول وتسعى بكل قوتك لحتى تغير من وضعك الحالي وخصوصاً قصة تغيير البيت أو السكن بس طول بالك لانو الأمور رح تتغير للأفضل قريباً، وبالك مشغول بوضع عيلتك والجو العام بالبيت وبموضوع الأولاد فخليك رايق وما توتر حالك وخصوصاً إنو في قصة بتخص أحد الأبناء من الناحية المالية عم تاخد من تفكيرك، بس طمن بالك لأن وضعك المالي بطلوع وفي تحسن واضح وفي أخبار سارة رح تعطيك دفع إيجابي للعمل والمال ورح يوصلك مبلغ مالي من شخص مسافر ورزقة جاية من تعبك وشغلك، ورح تحس براحة بس القصة بدها صبر وفي لقاء عم تحاول تأجله لحتى تبعد عن المشاكل فدير بالك وما تهمل صحتك
عاطفياً
وضعك العاطفي بدو مراعاة ومحتاج تبتعد عن أي جدال حتى تمر هالكم يوم على خير، والظروف بهالفترة عم تلعب دورها وعم تحس بشوية تباعد أو جفاء بينك وبين الشريك بس هاد الشي مؤقت ومرحلة ورح تمر وبترجع أموركم منيحة وأحسن من قبل بكتير
صحياً
دير بالك على عيونك ولازم تراجع الطبيب إذا حاسس بأي تعب وانتبه كمان من أوجاع المفاصل ولا ترهق حالك زيادة لحتى تضل بكامل نشاطك
نصيحة البرج
الصبر هو مفتاحك بهالمرحلة ولا تستعجل تغيير السكن لانو الوقت عم يشتغل لصالحك، والتحسن المالي الواضح رح يريحك من هموم كتير فخليك متفائل وبطل قلق
الميزان ♎
بتكتر حركتك وعم تنشغل باتصالات كتيرة ، وعم تكون قادر تدير المواضيع بحكمة بس حاول تبعد عن الانفعالات وتجنب المواجهات قد ما فيك، والامور بالعمل عم تتحسن بس بهي الفترة حاول تتجنب موضوع الانتقال لمكان جديد، وانت بانتظار مبالغ مالية ، ومن ناحية تانية حاول ما تتسرع بقراراتك بهالكم يوم ولازم تهدي حالك شوي لانك رح تنشغل بامور مالية الها علاقة بخبر بخص الشغل ورح تبدأ تطور من شغلك وهاد الشي رح يصير اكيد بس بدك تعطيه وقته وما تستعجل النتائج، كمان عم تفكر كتير بترتيب وضع عيلتك وخصوصا موضوع بخص احد الابناء بس انتبه كتير بهالفترة من اي سوء تفاهم او خلاف ممكن يصير مع واحد من اخواتك فخليك الراعي والمصلح متل ما منعرفك
عاطفيا
قد تناقش بعض المواضيع مع الشريك او الحبيب وممكن يكون الطرف التاني بحاجة لشويه رعاية واهتمام منك، وبشكل عام وضعك مع الشريك منيح ومستقر بس انت بحاجة لتمسح اي افكار سلبية عم تخطر بباله وتطمنه، وبالنسبة للبعض في موضوع ارتباط جدي عم ينطبخ على نار هادية صح لحتى تلاقي الاستقرار اللي بدك ياه
صحيا
انتبه من اوجاع الراس واليدين ولا ترهق حالك بالمشي او الوقفة الطويلة وحاول ترتاح كل ما حسيت بتعب لانو جسمك بحاجة لهي الاستراحة
نصيحة البرج
حكمتك هي اللي رح تحل قصص العيلة والمال فخليك هادي وصبور، والتطور اللي ناطره بشغلك جاي لا محالة بس بدو خطوة واثقة وبعيدة عن الاستعجال والتوتر وقرارات اللحظة الأخيرة
العقرب ♏
عم تشعر ببعض الضغوط هالفترة وعم تحاول ترتب وتيسر الأمور بالبيت وخصوصي مع الأهل والإخوة وبيشغلك موضوع أوراق رسمية وقصص بدها متابعة وبنفس الوقت في عندك شوية مخاوف من الأيام الجاية بخصوص كذا موضوع وبالك مشغول وعم تنتظر أخبار بتخص سفر والمسائل المالية والمصاريف الزايدة عم تاخد حيز كبير من تفكيرك وأنت ناطر اتصال بخصوص مبلغ مالي رح يوصلك يريح قلبك وكمان عم يشغلك وضع الأولاد وخصوصاً إذا القصة بتتعلق بسفرهم أو مصروفهم بس اطمن لانو خلال هالأيام عندك شغل جديد أو مهمة رح تستلمها ونتائجها رح تكون كتير حلوة ومبشرة بالخير
عاطفياً
ممكن يكون عندك بدايات جديدة بس حاول تجنب الأشخاص اللي ممكن يعارضوا مشاريعك أو يدخلوا بخصوصياتك وأنت بحاجة لزيادة التواصل والاتصال مع الشريك لحتى تكسروا أي حاجز أو تباعد عم تحسوا فيه وخصوصاً إذا كان الشريك مسافر أو بعيد عنك وهيك الأمور بترجع بتتحسن وبترتاح نفسيتك وبتحس بالاستقرار اللي عم تدور عليه
صحياً
انتبه كتير من أوجاع الأقدام وحاول ما تضغط على حالك زيادة بالشغل أو المشي وخد وقتك بالراحة لحتى جسمك يضل عم يعطيك طاقة إيجابية
نصيحة البرج
لا تخلي الخوف من بكرة يعكر مزاجك اليوم لانو في انفراج مالي ومهني ناطرك والقصص اللي شاغلة بالك بخصوص السكن أو الأوراق رح تمشي بس بدها شوية طول بال ومتابعة دقيقة منك
القوس ♐
عم يكون عندك بعض التوتر وتشغلك قصة مع الاخوة والاهل وقد تكون هذه الفترة ضاغطة لكن عم يكون فيها انفراج وحلول تلقائية ورح تلمسها قريبا وبنفس الوقت انت بانتظار خبر مهم او اتصال عم تستناه على نار وعم تنشغل حاليا بامور بتخص الوالد وفي موضوع سفر رح ينطرح للنقاش بهالفترة وهالشي بيناسب رغبتك بالسفر والتنقل او القيام برحلة بالفترة القادمة اللي رح تكون مناسبة كتير الك وكمان عم يشغلك ترتيب وضعك بالشغل وعلاقتك مع مديرك او صاحب العمل وخصوصا من الناحية المادية بس طمن بالك لان وضعك المالي بطلوع وعم يتحسن وما في داعي للقلق ابدا لان الامور ماشية لمصلحتك
عاطفيا
ممكن امورك تكون احسن وافضل خلال الايام القادمة ورح يكون في شيء جميل ناطرك وفي حلول قريبة لمسائل عالقة بينك وبين الشريك والتباعد اللي صاير رح ينتهي لان الفلك بيقول في تقدم ايجابي كتير بالمراحل الجاية ورح ترجع القلوب تصفي وترجعوا احسن من قبل
صحيا
انتبه من وجع الراس والاقدام ودير بالك على صحتك بشكل عام ولا تهمل اي عارض عم تحس فيه وحاول ترتاح لانو جسمك محتاج لهالاستراحة ليرجع يشحن طاقة
نصيحة البرج
خليك متفائل بالاخبار اللي ناطرها لانو الانفراج المالي والمهني صار قريب كتير ولا تخلي توتر العيلة يأثر على قراراتك بخصوص مستقبلك المهني وطموحاتك بسفر جديد
الجدي ♑
قد تشعر ببعض الضغوط بسبب الظروف وعم تكون عصبي بالمسائل المالية وقد تتلقى اتصالات من سفر هي فترة ، ورح تمر وترجع تستعيد حماسك وتبدأ صفحة جديدة لانو ممكن يكون عندك مشروع والبدء بشراكة مهمة بمرحلة عم تقوى فيها الحظوظ وبتحقق إنجازات واضحة وبنفس الوقت وضعك بهاليومين تمام وفي أخبار حلوة أو اتصال رح يصير مع ناس مقربين بخصوص العيلة وموضوع بيتعلق بالوالدة أو حدا من القرايب أما من الناحية المادية فالمصاريف الزايدة عم تشغل بالك لهيك بدك تنتبه كتير وما تخلي قصة المصاري تكون سبب لخلاف أو توتر جوات البيت وحتى بالشغل بالك مشغول وممكن عم تفكر تغير شغلك أو تبحث عن فرصة عمل جديدة تناسب طموحك وتطلعاتك ، وخليك رايق مع موضوع العقار يلي صار فترة شاغلك
عاطفياً
قد تشعر ببعض الضغوط من اتجاه الشريك وبالأخص بما يتعلق بالمسائل المالية لكن أمورك خلال الأيام القادمة بتكون جيدة وعم تشغلك الظروف الحالية وعم تحس بشوية تباعد أو صعوبة بالتفاهم مع الشريك بس اطمن لأن هاد الشي مؤقت ورح تمر هالفترة وترجع الأمور متل ما بدك وأحسن وبترجع الثقة والهدوء لعلاقتكم
صحياً
دير بالك على حالك وانتبه من أوجاع البطن وقصة فقر الدم ولازم تهتم بتغذيتك كتير وترتاح كفاية لحتى يضل جسمك قوي وعم يساعدك بمهامك اليومية
نصيحة البرج
لا تخلي العصبية بخصوص المصاري تخسرك ناس بتحبهم لانو الرزقة جاية والشراكات الجديدة رح تفتحلك بواب كانت مسكرة فخليك متفائل وبادر بالخطوة الأولى بقلب قوي ونفسية رايقة
الدلو ♒
فترة بتحتاج منك شوية صبر وطولة بال ولازم تنتبه كتير لمصاريفك المالية بهالكم يوم وانت ناطر الانفراجات وأخبار بتتعلق بالعمل وممكن تفكر بمشروع جديد عن طريق واحد من رفقاتك وبنفس الوقت موضوع الشغل شاغل كل تفكيرك بس طمن بالك لانو وضعك صاير للأفضل وفي ببالك فكرة اجتماع أو حكي مع صاحب الشغل لحتى ترتب أمور ومسائل مالية بس الظاهر إنها رح تتأجل شوي وفي مبلغ مالي صار بالطريق لعندك ورح يوصلك قريباً وبنفس الوقت انت بانتظار خبر أو لقاء وعم تفكر تعمل زيارات لرفقاتك فلهيك حاول تتجنب المواجهات وتقوي علاقاتك وانتبه كتير من أي نقاش حاد أو عصبي مع أخواتك لحتى ما تخرب الأجواء وتضل الأمور رواق
عاطفياً
بتحتاج لتقوية العلاقة العاطفية عندك وممكن تتطور للأحسن بس لازم تعرف كيف تتصرف صح لحتى تحصل على نتائج إيجابية وحاول تتقرب من الشريك أكتر وتفتح باب للتفاهم وما تضل متردد بقراراتك وممكن تناقش موضوع صحي بيتعلق بالشريك وتكون واقف جنبه وتدعمه بهي الفترة لحتى يحس بوجودك وقربك منه
صحياً
دير بالك على صحتك بشكل عام ولا تهمل حالك وخصوصا من أوجاع الراس ومنطقة الصدر وحاول تاخد وقت كافي للراحة والاسترخاء لانو جسمك بيستاهل تهتم فيه أكتر
نصيحة البرج
خليك صبور ووازن مصروفك بحكمة لانو الانفراج المالي والمهني عم يقرب منك وكلمتك رح تكون مسموعة بالشغل بس بدها شوية هدوء وديبلوماسية بالتعامل مع اللي حواليك
الحوت ♓
ممكن تحس حالك بهالفترة فاقد لبعض علاقاتك وعم تشعر بشوية وحدة ومحتاج للدعم والمساعدة وعم تنشغل بموضوع بخص المنزل والعيلة بس بدك تحذر كتير من المواضيع المادية لانو ممكن تسبب خلافات لهيك بدك تنتبه وتحاول تمرر هاليومين على خير وبدون مشاكل لانك عم تحس حالك متراجع شوي ومزاجك مو بزيادة وعم تحاول تحل شوية كركبة صايرة ضمن البيت ومع العيلة وبنفس الوقت بالك مشغول بقصة بتخص واحد من الابناء وعم تاخد من تفكيرك اما ماليا فانت منشغل باوراق وسداد دفعات ومصاريف لازمة بس عمليا في خبر حلو او اتصال رح يوصلك بخصوص الشغل ورح يكون شي ايجابي كتير وبفرحك وبغيرلك جوك
عاطفيا
عم تراجع حساباتك شوي واذا مانك مرتبط عم تحاول تلاقي الشخص المناسب وقدامك فترة ايجابية بتفتحلك بواب جديدة بس لازم تاخد الخطوات المطلوبة وبنفس الوقت في تقدم واضح بوضعك وعم تبدأ تحس بارتياح وتفاهم اكبر بس لسه في عندك شوية تردد عم يخليك تراجع حساباتك فحاول تحسم امرك وتنبسط بهالاجواء الحلوة مع الشريك
صحيا
دير بالك على صحتك وانتبه كتير من اوجاع الصدر ومنطقة الاقدام ولا تهمل اي تعب عم تحس فيه وحاول ترتاح وتخفف ضغط وتعب عن جسمك لحتى تضل بصحتك وعافيتك
نصيحة البرج
لا تخلي الشعور بالوحدة يسيطر عليك لانو الدعم موجود حواليك بس انت اطلبه والخبر المهني اللي ناطره رح يرفع معنوياتك كتير فخليك مستعد لتغيرات حلوة بالطريق لعندك وطول بالك بالقصص المالية العائلية
