الاعتذار للذات

الاعتذار للذات

كتبت/شمس فتحى 

الاعتذار للذات ده أصعب إعتذار لأنه محتاج شجاعة تواجهي نفسك

وإيثار الغير على نفسك لحد ما إتعودتي تنسي نفسك دي حاجة بتحصل لناس قلبها كبير اوي بس بتيجي على حسابها

تعالي نتصالح مع نفسنا خطوة خطوة

إعترفي قولي لنفسك بصراحة 

أنا آسفة يا أنا

أسفة إني جيت عليكي كتير أسفة إني حطيت الكل قبلك ونسيتك

الإعتراف ده أول خطوة للشفا مش ضعف دي قوة

إفهمي ليه عملتي كده

مكنتيش أنانية كنتي بتحبى وبتخافي عايزة ترضي الكل 

قولي لنفسك أنا عملت كده عشان كنت فاكرة دي الصح ودلوقتي فهمت

سامحي النسخة القديمة منك كانت بتعمل أحسن حاجة تعرفها وقتها

صالحيها بأفعال مش كلام بس

الاعتذار الحقيقى هو اللي بيبان في التصرفات

حطي نفسك في الخطة قبل ما توافقي على أي حاجة اسألي وأنا؟ أنا محتاجة ايه؟

قولي “لأ” من غير تأنيب ضمير راحتك مش أنانية

إدى لنفسك اللي اديتيه للناس وقت راحة طبطبة هدية صغيرة خروجة لوحدك

إحمي طاقتك مش لازم تشيلي الكل كفاية تشيلي نفسك الأول

رسالة اعتذار تكتبيها لنفسك

جربي تكتبيها في ورقة

يا أنا 

 أنا آسفة إني طفيت نورك عشان أنور لغيرك

 آسفة إني سكت لما كان المفروض أتكلم باسمي  

من النهاردة أوعدك إني هسمعك وهحطك في الأول وهحبك زي ما بحبهم

 حقك عليا 

افتكري دايما

كوباية المية الفاضية مش هتروي حد 

لازم تتملى الأول عشان يفيض منك للغير

إنتي مش مقصرة

إنتي بس نسيتي أهم شخص نفسك

وكونك بتسألي الس

ؤال ده دلوقتي معناه إنك بدأتي ترجعي لنفسك