المقالات والسياسه والادب
كوب عصير بقلم تغريد نافع
يحضرني مشهد متكرر في الدراما المصرية البطل لسه هيشرب من كوب عصير، فجأة يحضر أحدهم ويزق الكوب ويكسره، لأنه عرف انه فيه سم قاتل. هنا البطل بينفجر في نوبة غضب و زعيق وصراخ علي التصرف اللي افسد هدوئه وسعادة يومه .
في الحقيقة اللي كسر الكوب عمل خدمة كبيرة أوي للبطل تستحق التقدير والإمتنان والشكر .
لكن لعدم معرفة البطل للدافع وراء التصرف ده بيحصل العكس.
ولله المثل الأعلى ده اللي ربنا سبحانه وتعالى بيعمله معانا بيبعد عنا أشخاص أو فرص أو أشياء كانت جوه حياتنا او كانت بالقرب أوي منا.
أحنا شايفين أنها جميلة زي العصير ولذيذة لكن ربنا وحده يعلم إن هي علاقات سامة أو فرص مدمرة لحياتك.
