المصالح بتتصالح كتبت/د/شيماء صبحى

المصالح بتتصالح

أسوأ صنف من البشر تتعامل معاه هو اللي بيتعامل مع اللي حواليه كأدوات لتحقيق مصلحته..

بيتعاملوا معاك على إنك مُجرد سلِّمه بيستخدموها عشان يوصلوا لحاجة مُعينة..

فرعون لما كان بيتكلم مع السحرة قبل مواجهة سيدنا موسى (وَجَاءَ السَّحَرَةُ فِرْعَوْنَ قَالُوا إِنَّ لَنَا لَأَجْرًا إِن كُنَّا نَحْنُ الْغَالِبِينَ)

كان رده عليهم (قَالَ نَعَمْ وَإِنَّكُمْ لَمِنَ الْمُقَرَّبِينَ)

سورة_الأعراف

طول ما المصلحة شغالة كلمات الودّ واللطف والرجاء شغالة.

وأول ما اعترضوا وخَالفوا كلامه وآمنوا مع سيدنا موسى (قَالَ فِرْعَوْنُ آمَنتُم بِهِ قَبْلَ أَنْ آذَنَ لَكُمْ ۖ إِنَّ هَٰذَا لَمَكْرٌ مَّكَرْتُمُوهُ فِي الْمَدِينَةِ لِتُخْرِجُوا مِنْهَا أَهْلَهَا ۖ فَسَوْفَ تَعْلَمُونَ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ ثُمَّ لَأُصَلِّبَنَّكُمْ أَجْمَعِينَ) سورة_الأعراف

المصلحة هي اللي بتتكلم وبناء عليه إتغيرت المكانة واتبدّل كلام الحُب والوعود لوعيد وتهديد.

تغيّر المصلحة بتعرّي اللي شيلاه النفوس.

ما تحكمش على الناس في وقت السعادة ومصالحكم مُتوافقه مع بعض.

الوجه الحقيقي بيبان في لحظة الإختلاف.

فبلاش تغترّ بالكلمات المُنمقة والمواقف المؤقتة خلّي مقياسك في معرفة صدق اللي حواليك من عدمه هو الثبات على المبدأ، مش توافق المصالح!

وقعدتك في مكان بيأذيك وبيقلل منك وقبولك بوضع مُستنزف وقاسي، وسكوتك على ظُلمك وهضم حقك، أو قبولك بإهانات وتقليل؛ ده تحويل نفسك من ضعيف لمُستضعف بإرادتك وبإختياراك..

فطرتك البشرية إنك ضعيف ، سكوتك وإستسلامك بيحوّلك لمُستضعف، لإنك بتتعامل مع نفسك إنك قليل الحيلة ومُنعدم الإختيارات.

(إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنفُسِهِمْ قَالُوا فِيمَ كُنتُمْ ۖ قَالُوا كُنَّا مُسْتَضْعَفِينَ فِي الْأَرْضِ ۚ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا) سورة_آل_عمران

د. مصطفى محمود

قال

القرآن يعتبرك حرًا مسئولًا مهما أحاطت بك ظروف صعبة فيقول الله تعالى:

( أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا )

سورة_النساء

البُعد حلّ سحري لكل أذى،

ماتفضلش مكلبش في المكان الغلط ولا مع الناس الغلط ومستني الحلّ يجيلك!!

العلاقة المُؤذية اللي رابط نفسك بيها، والسكوت على حقك المُهدور، ووجودك في أماكن حاسس بيها بالإستنزاف طول الوقت، والعادات السلبية اللي بتمارسها، والأماكن اللي مش شبهك وروحك بتضيق فيها..

قال دوستويفسكي

(لايمكنك أن تُشفى فى نفس البيئة التى جعلتك مريضًا .. غادر).

محتاج تتعلّم تسيب العلاقة المؤذية المُستنزفة اللي بتهلك طاقتك، وتوسّع على نفسك الإختيارات.

وتذكر دائماً أن لا أحد يستطيع أن يؤذيك دون إذنك

نعم.. نحن نعطي للآخرين الفرصة لايذائنا عندما نعطي لكلامهم قيمة ولتعليقاتهم أهمية

عندما نعيد كلامهم في رؤوسنا

ونصل الى مرحلة أن نصدق كل ما يقولونه

نكون قد أعطيناهم المساحة الكافية لإيذائنا.