ليالي الأنس..للشاعر عماد سيد

ليالي الأنس..للشاعر عماد سيد

 

وهم المشاعر هدني

أحلام صبية صغيرة

طبعك كلامك هزني

والعرض بينادي الطلب 

مع سهم رمشك شكني

كنت الرقيقة المغرمة

بنت الأكابر ب أستحي

والإبتسامة محرمة 

لو عدى طيفك أختشي

أخاف معاني مزورة

دقات ف قلبي بتندهك

مع همسة مني معطرة

أحلام بنات جوة السكات 

أيام ليالي

 نجمة جنبي منورة

و فينكة 🎀 بامبي

ع الجبين ناحية يمين

وخصلة نازلة تبتسم 

باست عيوني ودمعتي

وحيرتي تسأل جدتي 

عن قسمتي 

ضحكت 

ولمست خد 

و ب همس فاق الحد 

قالت ب صدق و جد

البخت جاي ع الباب 

والنية ف الألباب 

والظن صاب أو خاب 

الوعد والمكتوب   

نافذ يا بنتي وصاب

وإتجمعوا الاصحاب 

الأهل والأحباب

وإتبدلت أحوال 

وسنين وراها سنين 

أيام تهد ف حيل 

والفرح زي الويل

والخطوة سنتي ب ميل

شوفت القدر ب يذل 

ويلوم ف قلب عليل 

والروح تفارق جسم 

وسط الضباع 

والرسم 

 بين لوحتين باهتين 

لوحة ماليها الفسق

ولوحة طالبة الرزق 

و ديب م بين الإتنين 

صاد الفريسة بحرص 

زين ليالي الأنس 

قسم الكيان شطرين

رغبة تنادي العشق

تحضن معاني الشك

وجعي مابين جرحين

جرح الحياة و البخت

وجرح ناس خاينين 

والروح تفارق جسم

 والقلب لسة حزين..