مش ذنبك إنك كنتي ضحية زواج مؤذي، ولا إنك صدقتي وعود كدابة، ولا إنك حبيتي بني آدم ماعرفش يحبك غير وجع.
بس الحقيقة اللي لازم نقف قدامها بصدق، إن الجرح لما ما يتعالجش، بيتحول لسلسلة بتتوارث، حلقة ورا حلقة، جرح ورا جرح… من غير ما نحس، بنورّث أولادنا نفس القهر.
أيوه، مش بإيدك اللي حصلك، لكن بإيدك تقطعي الحلقة من جذورها.
مش معنى إنك انكسرتي، إن ابنك لازم يطلع متوتر، أو بنتك تبقى خائفة من كل راجل.
ابنك مش لازم يشيل وجعك، ولا يبقى ضحية صمتك،
وبنتك مش المفروض تدفع تمن انك فقدتي ثقتك في الرجالة.
في ستات كتير فاكرة إنها بتحمي ولادها لما تعزلهم عن العالم أو تخوفهم من الرجالة أو تزرع فيهم الشك…
