الإدمان لعنة تسرق العمر

بقلم /نشوي سعد 

الإدمان مش مجرد عادة سيئة، ده طريق مظلم بيبتدي بجرعة صغيرة وينتهي بضياع حياة كاملة. شباب كتير وقعوا في الفخ ده، وأخطر مثال قصة شاب باع كليته علشان يجيب فلوس للمخدرات! باع صحته ومستقبله مقابل وهم بيسموه نشوة لحظية.

يا شباب، لازم نفوق ونفهم إن الإدمان ما بيخدش غير حياتنا وأهلنا معانا. ربنا قال: “ولا تلقوا بأيديكم إلى التهلكة”، يعني ما نضيعش نفسنا بإيدينا.

الإدمان مش حرية ولا رجولة، ده سجن بيدمرك خطوة بخطوة. حافظوا على نفسكم، وخلوا بالكم إن الصحة والكرامة ما يتعوضوش.

اللهم احفظ شبابنا وبناتنا من شر الإدمان، واهدِ كل ضال وردّه لحضن أهله وربه.