الخطيب يتقدم بطلب رسمي لإعفائه من رئاسة الأهلي ويعتذر عن عدم خوض الانتخابات المقبلة

كتب وجدي نعمان

في خطوة مفاجئة، أبلغ الكابتن محمود الخطيب، رئيس النادي الأهلي الحالي، مجلس إدارة النادي اعتذاره الرسمي عن خوض الانتخابات المقبلة وعدم استكمال مسيرته في رئاسة القلعة الحمراء، وذلك لأسباب صحية تتعلق بحالته واستعداده للسفر خارج البلاد خلال الفترة المقبلة لاستكمال العلاج.

وانفرد القاهرة 24  بكواليس قرار بيبو، الذي جاء بعد تفكير طويل، حيث شعر بصعوبة الاستمرار في ظل التحديات الصحية التي يواجهها، وحرصه الدائم على أن يكون في كامل تركيزه وجهده لخدمة الأهلي بالشكل الذي يليق باسم النادي وجماهيره.

وفي ضوء هذا التطور، عقد مجلس إدارة النادي الأهلي اجتماعًا طارئًا ضم عددًا من أعضاء لجنة الحكماء وبعض الشخصيات المقربة من الكابتن محمود الخطيب، في محاولة لإقناعه بالعدول عن قراره، خاصة بعد النجاحات الكبيرة التي حققها الأهلي تحت قيادته خلال السنوات الماضية على الصعيدين الرياضي والإداري.

وأكد الحاضرون في الاجتماع أن الفترة المقبلة تتطلب قيادة خبيرة ومُخلصة بحجم وقيمة الخطيب، الذي طالما ارتبط اسمه بالنجاحات والاستقرار داخل جدران القلعة الحمراء.

وينتظر أن تشهد الأيام القادمة تحركات من داخل مجلس الإدارة وبعض رموز النادي في محاولة لإثناء “بيبو” عن قراره، وسط دعم جماهيري واسع لعودته واستمراره على رأس المنظومة الحمراء.

رسائل الخطيب للاعبي الأهلي

وفي قت سابق وجه محمود الخطيب رئيس النادي الأهلي عدد من الرسائل الهامة إلى لاعبي الفريق الأول لكرة القدم بالنادي خلال مران الخميس، وكان من بينها “الكابتن وليد صلاح الدين والكابتن عماد النحاس وكل الطاقم الموجود، هما اخواتكم، هما المسئولين مسئولية كاملة عن كل ما يخص الفريق الأول”.

وتوالت رسائل محمود الخطيب رئيس النادي الأهلي خلال الكلمة التي نشرتها الصفحة الرسمية للنادي الأهلي أنا عايز أتكلم معاكم بصراحة، كورة القدم مش بالأسماء الكبيرة ولا التاريخ الشخصي، الكورة في الآخر “رجولة وجدعنة، سبرينتات واحتكاك، وانتماء”، الكرة محتاجة عرق وتضحية كل ثانية في الملعب.

وتابع محمود الخطيب “احنا واقفين دلوقتي على أرض استاد مختار التتش — رحمة الله عليه — واحد من أساطير النادي، ومكان مرّ عليه عظماء كتير، وكلهم كانوا نجوم، وكلهم كانوا رجال بيمثلوا الأهلي بجد. لكن الحقيقة؟ كله راح، اللي بيفضل هو الأهلي”.

وأردف محمود الخطيب “اسم الأهلي هو اللي بيصنع الأسماء، مش العكس. واللي يلبس تيشيرت الأهلي، لازم يعرف إنه بيلعب عشان الشعار، مش عشان اسمه، محدش هيفتكر اسم لعيب لعب باسمه، الناس بتفتكر اللي حط مجهود، اللي قاتل، واللي كان قدّ المسؤولية”.

وزاد محمود الخطيب “، الفترة اللي فاتت مش الأفضل، ويمكن مكنتش أتمنى أشوفها مع الجيل ده بالذات، لأنكم تقدروا تقدموا أكتر. الأهلي كيان، تاريخ، مبادئ، والتاريخ مش بيرحم، بيفتكر بس اللي مشي على الطريق الصح.

واختتم الخطيب حديثة، “لازم نسأل نفسنا دلوقتي: احنا ناويين نسيب إيه ورا؟ هنعمل إيه النهاردة؟ هنكمل بنفس الشكل؟ ولا هنفوق ونرجع الأهلي اللي الناس كلها بتحترمه وتخاف منه؟، اتكلمت معاكم قبل كده،  أنا مؤمن إن فيكم رجالة.. ورجالة الأهلي بيبانوا وقت الشدة”.