أفلام رعب من الآخر ” فيلم Bram Stoker’s Dracula “

بقلم د. نجلاء كثير

من ذاكرة السينما ناتيكم ونرشح لكم 

 أجمل الأفلام الرعب فيلم Bram Stoker’s Dracula 

اللى أخرجه الأسطورة فرانسيس فورد كوبولا، واللي معروف بأعمال ضخمة زي The Godfather . القصة مأخوذة عن رواية دراكولا اللي كتبها برام ستوكر سنة 1897، وهي واحدة من أشهر قصص الرعب في التاريخ واللي أساسًا كل أفلام مصاصين الدماء تقريبًا مقتبسة منها. السيناريو كان من كتابة جيمس ڤي. هارت، واللي حاول يكون مخلص جدًا للرواية الأصلية، بس زوّد عليها شوية رومانسية وتراجيديا.

جاري أولدمان في دور دراكولا، وده واحد من أقوى الأدوار اللي قدمها في حياته، أداؤه كان عظيم جدًا لدرجة إنه خلى الشخصية أيقونية.

وينونا رايدر في دور مينا هاركر، البطلة اللي دراكولا بيشوف فيها روح زوجته الراحلة. وأنتوني هوبكنز في دور ڤان هيلسينج، العالم اللي بيحاول يوقف دراكولا. وكيانو ريفز في دور جوناثان هاركر، الراجل اللي بيبدأ كل القصة لما يروح قلعة دراكولا. وريتشارد إي. جرانت، كاري إلويس، بيلي كامبل، سادي فروست، وتوم ويتس في أدوار مساعدة.

بداية القصة بتحصل فى الماضي سنة 1462 لما الأمير ڤلاد دراكولا كان محــ. ارب روماني عظيم بيحــ. ارب ضد العثمانيين، لكن لما رجع بعد انتصاره، اكتشف إن مراته إليزابيتا انتحرت بعد ما العدو خدعها وخلاها تصدّق إنه مات في الحــ. رب. الكاهن وقتها قال له إن روحها مش هتدخل الجنة عشان انتـ.حرت. دراكولا اتجنن من الغضب وقرر ينتقم من البشرية كلها، وبيعلن كفــ. ره بالله، وبيضــ.رب الصلــ. يب بسيفه، وبيشرب دمه وبيتلــ. عن، وبيبقى مصاص دماء خالد، وهنا بتبدأ الأسطورة.

و بيحصل الانتقال للحاضر (1897) لما جوناثان هاركر، محامي شاب، بيروح ترانسلفانيا يقابل كونت دراكولا عشان ينهي صفقة عقارية لشراء بيوت في لندن. في القلعة، بيكتشف إن دراكولا شخص غريب ومر.. عب، وخصوصًا لما بيشوف صورة مينا، اللي بتكون خطيبته، لكنه يشبهها بمراته القديمة إليزابيتا، وبيقنع نفسه إنها تجسيدها الجديد. دراكولا بيحبس جوناثان وبيسيبه لعبــ. يد مصاصي الدماء في القلعة، وبيسافر لإنجلترا عشان يدور على مينا.

في الوقت ده، مينا بتكون عند صاحبتها لوسي في لندن، وبتبدأ لوسي تتصرف بغرابة، لأنها بتكون وقعت تحت تأثير دراكولا. في الليل، بيظهر لها دراكولا وبيبدأ يمتص دمها، فحالتها الصحية بتسوء جدًا. أصحابها، اللي منهم خطيبها آرثر، وصديقها الدكتور سيوارد، بيستدعوا العالم الشهير ڤان هيلسينج، واللي بيكتشف إن لوسي ضحية لمصاص دماء.

دراكولا بيقابل مينا لأول مرة وبيسحرها بشخصيته الغامضة، وبيوقعها في حبه رغم إنها مخطوبة. في الوقت ده، جوناثان بيهرب من قلعة دراكولا وبيبعت لمينا عشان تيجي له، وفعلاً بتسافر له وبيتجوزوا في رومانيا.

لوسي بقى حالتها بتسوء جدًا، وفي الآخر بتموت، لكن بتقوم بعد يومين كمصاصة دماء، فڤان هيلسينج والرجالة بيضطروا يقتــ .لوها بطريقة وحشية (بيدقوا وتد في قلبها ).

الجروب بيكتشف إن دراكولا بيرجع لترانسلفانيا عشان يستخبى، فبيسافروا وراه. في الطريق، ڤان هيلسينج بيقــ. تل العرائس الشيطانية اللي في قلعة دراكولا. بعد صراع عنيف مع أتباع دراكولا

ومينا، اللي كانت خلاص بدأت تتحول لمصاصة دماء، بتاخده للكنيسة اللي كان لعن فيها نفسه زمان. بيطلب منها تريحه من اللعنة، وفعلاً بتغرس السيف في قلبه، وبتمــ. وت اللعنة معاه، وجسمه بيرجع لطبيعته البشرية. مينا، بعد ما بتشوف روحه وهي بتصعد للسماء مع روح إليزابيتا، بتنهى حياته وبتنتهي القصة.

الفيلم كان بميزانية 40 مليون دولار، وحقق 215.9 مليون دولار في شباك التذاكر العالمي، وده رقم ضخم جدًا وقتها. وأخد 3 جوائز أوسكار عن:

أفضل تصميم أزياء (Eiko Ishioka).

أفضل مكياج.

أفضل مونتاج صوتي.

ده غير ان الأداء بتاع جاري أولدمان كان أسطوري ومُبهر، لكن أداء كيانو ريفز كان كارثي، والناس مسكوه تريقة بسبب اللهجة البريطانية اللي كان بيحاول يعملها.

فيلم Bram Stoker’s Dracula جمع بين التراجيديا، الرومانسية، والرعب بطريقة بصرية مدهشة. كوبولا ركّز على الطابع الجمالي، والسينماتوغرافي كانت تحفة فنية، خاصةً مع الإضاءة والديكورات اللي تحسسك إنك في قصة خيالية مظلمة. الفيلم ده من أهم أفلام مصاصي الدماء اللي اتعملت، وأفضل اقتباس سينمائي لرواية دراكولا، وأداء جاري أولدمان خلى شخصية دراكولا واحدة من أقوى الشخصيات في السينما.