مطبخ الكنانة رموش الست 

بقلم .مريم وجدى

نجدد اللقاء مع مطبخ الكنانة وطريقة عمل

رموش الست 

المقادير 

نصف كوب سميد ناعم

كوب وربع دقيق

نصف كوب زبده او سمنه بدرجه حراره الغرفه

معلقتين كبار سكر بودره

معلقتين كبار جوز هند ناعم

بيضه

نصف معلقه صغيره فانليا 

نصف معلقه صغيره بيكنج بودر

معلقه كبيره حليب 

طريقه التحضير 

في بوله نضيف الزبده علي السكر ونضربهم كويس لغايه السكر ما يذوب تمام بعد كده بنضيف البيضه والفانليا ومعلقه الحليب ونضرب كويس لحد ماتختفي البيضه.

في بوله تانيه ننخل الدقيق ونضيف معاه السميد والبكينج بودر وجوز الهند وبعد كده نضيفهم علي خليط الزبده والبيض ونحرك لغايه العجينه تبقي متجانسة.

نحط الخليط بدون عجن في كيس نضيف في التلاجه لمده نصف ساعه ثم نخرجه ناخد مقدار ملعقة ونشكله زي اللي في الصوره وندهن الوش بخليط عباره عن (بيض ورشه فانليا وحليب )

ندخله الفرن درجه حراره 180 لمده 25 دقيقه لحد مالونها يبقي ذهبي ونسقيها شربات خفيف بارد ونرش علي الوجه فستق حلبي او جوز هند .