الزوج الغبى كتبت شمس فتحى

الزوج الغبى

كتبت شمس فتحى

الزوج الغبى هو فعلا زوج غبى

وبيرتكب أكبر غلطة ممكن يرتكبها

 فى حق حاله قبل حق زوجته

إنه يعودها على غيابه

ويسيبها لوحدها مع دماغها وتفكيرها

وتتعامل وكأن وجوده وعدمه واحد

بل بالعكس تشعر انه وجوده مجرد ثقل 

وكأنه يجعل من حاله ضيف ثقيل فى حياةزوجته واسرته مش عمود أساسي في حياتهم

الست لو اتعودت تعيش من غيره خلاص مش هتحتاجاه تاني

ومش هتستناه ومش هتستنى

 رأيه ولا وجوده ولا حتى غيابه

عقلها بيبدأ يبرمج نفسه تلقائيا

إنها لوحدها تروح لوحدها

وتيجي لوحدها وتتصرف لوحدها

وتحل مشاكلها لوحدها

ومع كل خطوة بتنجزها في حياتها لوحدها من غيره

ومع كل موقف تعدى منه من غير ما تلجأ له

ومع كل مرة كانت محتاجاه ومش لاقته

حبها ليك بيقل بالتدريج مش فجأة

ومن غير ما يحس

مشاعرها بتضعف وبتتآكل

وبتموت واحدة واحدة ناحيته

من غير خناقات

ولا صوت عالي ولا مشاكل واضحة

والست لو مشاعرها ماتت 

وانتهت ناحية الرجل

عمرها ما تعرف ترجع له تاني

ولا بكلام حلو ولا باعتذار

ولا بمحاولات متأخرة

ولا بندم بعد فوات الأوان

الغياب المتكرر مش بيعلمها الصبر

 ولا بيعرفها قيته

الغياب المتكرر بيعلمها الاستغناء

والراجل اللي فاكر إن الست هتفضل مستنياه

لمجرد إنه موجود على الورق

او اعتماد على مشاعر ورصيد قديم

يبقى مش فاهم

إن أسوأ لحظة في العلاقة

هي اللحظة اللي الست فيها تقول

من جواها

أنا كده كده لوحدى ساعتهاوجوده بيصبر عبء وزيادة بلا داعى

 الرجل الحقيقى والزوج الذكى موجود بقدر وجوده فى حياة زوجته ومدى سعادتها معه واحتواءه ومشاركته لها بكل خطوات حياتهم