برجك وطالعك ليوم الاربعاء الموافق 2026/2/4
بقلم د. نجلاء كثير
نجدد اللقاء مع برجك وطالعك ليوم الاربعاء الموافق 2026/2/4
ونجدد التذكرة بأنه كذب المنجمون ولو صدقوا
الحمل ♈
يشغل تفكيرك كتير إنك تكون مستقر وتشعر بالأمان، وهاد الشيء هو أكتر شي شاغلك للمستقبل وعم يخليك تشعر بشوية مخاوف وقلق داخلي، وبالأخص موضوع المنزل والانتقال اللي صار بحاجة لقرار حاسم منك، بس لساتك عم تحس حالك متردد وما عم تعرف ترسي على بر، أما مالياً فالمصروفات والالتزامات عم تاخد حيز من بالك، وفي مبلغ مالي إلك مرتبط بعمل عم تستناه، وبالنسبة للوضع العملي فالبشارة إنو أمورك بدأت ترجع لوضعها الطبيعي، وفي تفاهم واضح ومريح عم يصير مع صاحب العمل بخصوص الأمور المالية، وهاد الشي عم يخلي عملك يتجه للأفضل وبخطوات ثابتة
عاطفيا
ما عم تكون مرتاح أبدا بهالفترة والخلافات المتكررة عم تعمل حالة من التباعد بينك وبين الشريك وهالشي شاغل بالك كتير وعم تفكر حاليا إنك ترتب لقاء لحتى تحل الخلاف الحاصل وتصفي القلوب، لكن بدي منك تنتبه كتير لأنو هاد الحل ممكن يكون مؤقت ومانه جذري ، حاول تكون ذكي وتحسم وضعك بشكل يضمنلك الاستقرار بالمستقبل
صحيا
من الناحية الصحية بدك تدير بالك خلال هالأيام وتنتبه من أوجاع الرقبة ، وكمان انتبه من اوجاع اليدين ولا ترهق حالك
نصيحة البرج
التردد بموضوع السكن عم يستهلك طاقتك ، استغل تحسن وضعك بالعمل لتاخد القرار الصح، وبالحب لا ترضى بالحلول المؤقتة، واجه المشكلة من جذورها لحتى ترتاح وتريح بالك
الثور ♉
يشغلك مستقبلك كتير بهالفترة، وبالك مشغول بموضوع العمل أو فكرة انتقالك لمكان عمل جديد، وهاد الموضوع تحديدا مشكلك ضغوط ومخاوف داخلية ومخليك تفكر بزيادة ، بس طمن بالك لانو الأمور بالنهاية رح تترتب وتكون لصالحك تماما ، ومن ناحية تانية شاغلة بالك المسائل المالية والمصروفات اللي عم تزيد ، وفي أوراق ومواضيع قانونية عم تلاحقها بتتعلق بمال متأخر أو موضوع ميراث ، ورح يكون في تنقل ولقاءات وحكي جدي بهاد الخصوص لحتى تجيب حقك وتخلص من هاد الملف
عاطفيا
وضعك العاطفي عم يتحسن بشكل ملحوظ ورح تكون الأمور أفضل بكتير مع الشريك ، والعلاقة رايحة باتجاه التفاهم والانسجام ، نصيحة إلك حاول تنسى الماضي بكل شي فيه من منغصات وتفتح صفحة جديدة مع الشريك
صحيا
من الناحية الصحية بدك تكون حذر وتنتبه من اوجاع منطقة العيون ، وكمان انتبه من أوجاع الصدر والبطن اللي ممكن تضايقك بسبب ضغط التفكير والتوتر
نصيحة البرج
موضوع الميراث والأوراق القانونية بدها شوية طولة بال وحركة ، لا تتردد لانو النتائج لصالحك، وبالشغل لا تخلي الخوف من التغيير يسيطر عليك لانو بواب الخير قادمة ، وبالحب الماضي صار وراك فتطلع لقدام
الجوزاء ♊
يشغلك المستقبل كتير هالفترة وأنت بانتظار أخبار من سفر ، وهاد الشيء تحديدا عاملك حالة من القلق والتوتر لأنك ناطر ، وبنفس الوقت شاغلة بالك المسائل المالية والمصروفات وبالأخص إنو في التزامات أو دفعات مادية لازمة بخصوص موضوع منزل ، وقصة انتقال مسببلك ضغط نفسي وتفكير زايد، أما عمليا فعم تحاول بكل جهدك تطور نفسك وتزيد من مدخولك المالي لتواكب الالتزامات ، وفي حكي ودعم وتدخل واضح عم يجيك من أحد الوالدين وبالأخص الأم اللي عم تكون حدك وداعمة لخطواتك
عاطفيا
أكتر ما يشغل بالك هو مستقبلك العاطفي وأنت حاليا منتظر لقاء مهم لحتى ترتب أمورك ، وفي حكي وتفاهم عم يصير مع الشريك لتقريب وجهات النظر بس المشكلة إنو في تدخلات وبالأخص تدخلات من طرف الأهل عم تأثر على قراراتك ، حاول توازن بين رضا أهلك وسعادتك الشخصية
صحيا
من الناحية الصحية بدك تنتبه كتير من بعض أوجاع أعصاب المفاصل اللي عم تضايقك ، وأحيانا عم يراودك وجع بالبطن بسبب القلق والتوتر
نصيحة البرج
أخبار السفر اللي ناطرها رح تفرج همك فخليك متفائل ، ودعم الوالدة هو القوة اللي رح تسندك بموضوع البيت والمصاريف ، وبالحب لا تخلي التدخلات تخرب عليك اللحظة ، الحوار الهادي مع الشريك هو اللي بيحمي علاقتكم
السرطان ♋
مريت بفترة صعبة كنت عم تحاول فيها ترتب وضعك وكركبة أمورك ، وكنت عم تشعر بضيق بقلبك إنو ما حدا عم يمدلك يد المساعدة أو واقف جنبك متل ما بدك ، بس هلق أهم ما يشغلك هو موضوع المنزل والعمل ومكان العمل ، وبدي قلك ان أمورك رايحة للحل بإذن الله ، وفي تفاهم عم ينبنى مع صاحب العمل لحتى تصير ظروفك أفضل ، أما ماليا فالمصروفات عم تشغل بالك وبدك تنتبه كتير من التوتر أو وقوع خلاف على مبلغ مالي مع الأب ، خاصة إنك عم تناقش معه موضوع انتقال عم يسبب شوية توتر بينكم ، وكمان في قصة ابن من أبنائك شاغلة تفكيرك وعم تشعر إنو ما عم يتفهمك أو عم يبعد عنك ، طول بالك عليه
عاطفيا
يشغلك مستقبلك العاطفي كتير وعم يراودك خوف داخلي من فكرة التباعد أو إنو العلاقة تبرد ، نصيحة إلك حاول تفتح باب التفاهم مع الشريك وتوضح النقاط العالقة ، وبالأخص المسائل المالية اللي عم تتدخل وتأثر على صفاء علاقتكم
صحيا
من الناحية الصحية بدك تدير بالك كتير وتنتبه من أوجاع الصدر ، وكمان انتبه من أوجاع اليدين حاول ماترهق حالك
نصيحة البرج
تفاهمك مع صاحب العمل هو مفتاح استقرارك المادي الجاي حافظ على هدوءك ، وبقصة الابن حاول تكون صديق لحتى يرجع يسمع منك ، وبالحب لا تخلي هواجس الخوف تسيطر عليك ، الأمور بتنحل بالحوار
الاسد ♌
بدك تحاول ما تكون متمسك أكتر من اللازم بأفكارك وتصلب رأيك هالفترة ، وانتبه كتير خلال النقاشات من التوتر والعصبية ، وحاول تتقرب أكتر من الأهل وتكون لين لحتى ما يصير أي خلاف والاخص بمواضيع المال ، أكتر شي شاغل بالك حاليا هو الميزانية والمصروفات وأنت ناطر دعم مالي بفارغ الصبر ، أما عمليا ففي فرص عمل عم تنعرض عليك بس أنت عم تشوفها غير مناسبة لمؤهلاتك أو طموحك ، وكمان بالك مشغول بموضوع الأوراق القانونية اللي بدك تخلص منها ، وقصة سفر أو انتقال لمكان تاني عم تراودك لأنك بتشعر إنه رح يكون أنسب إلك، بس لساتك ناطر السيولة والدعم المالي لتمشي بهي الخطوة
عاطفيا
عم تشعر بضغوط كبيرة ومسؤوليات عم ترهقك ، بس نصيحة لا تخلي تسرعك بأفكارك وأحكامك يأثر على العاطفة أو يزعج الشريك منك ، في تأجيل عم يصير من طرفك لوعود قطعتها أو كلام كان لازم ينقال ، حاول تتقرب من الشريك وتتفاهم معه بصدق
صحيا
من الناحية الصحية بدك تدير بالك كتير وتنتبه من أوجاع الجهاز الهضمي بسبب التوتر ، وكمان ممكن تحس ببعض أوجاع الأقدام
نصيحة البرج
المرونة بالرأي هي اللي رح تفتحلك بواب الدعم المالي من أهلك، لا تخسر السند كرمال كلمة، وبالشغل لا تستعجل بالرفض لتدقق بالفرص المتاحة ، وبالحب الوفاء بالوعود هو اللي بيقوي الثقة مع الشريك.
العذراء ♍
عم تشعر بهي الفترة إنك مانك مرتاح تماما بالمنزل ، وعم تبذل جهدك لحتى تلاقي حلول وتوصل لصيغة تفاهم تريحك وتريح اللي حولك ، وبالك مشغول كتير بالمال والمصروفات ، ومع إنو في مبلغ مالي بين إيديك بس أنت عم تحاول ترتب مصروفاتك بحذر ، انت بانتظار تنتهي من موضوع ميراث عالق لحتى تبدأ أخيرا بمشروعك الخاص اللي عم تخططله ، وكمان في قصة مالية بترتبط بواحد من الأبناء شاغلة تفكيرك وعم تاخد من وقتك ، أما عمليا فمانك راضي عن وضعك الحالي وعم تحاول تبحث وتلاقي عمل جديد وأفضل يطور من قدراتك ، وفي قصة بتتعلق بالام شاغلتك وبدك تلاقي إلها الحل المناسب بأقرب وقت
عاطفيا
بدك تطول بالك كتير بهل اليومين وحاول قد ما تقدر ما تخلي الظروف الصعبة أو ضغوطات الحياة تأثر على وضعك العاطفي وعلى علاقتك مع الشريك ، ا ناقش الشريك بكل هدوء وصدق، ورح تلاقي إنك رح توصل لحل مناسب يرضي الطرفين
صحيا
من الناحية الصحية بدك تكون حذر وتنتبه من أوجاع عم تراودك بأحد الأقدام ، وكمان في شوية تعب بمنطقة المفاصل عم يضايقك ، ولا تنسى إنو راحة البال هي نص العلاج
الميزان ♎
بدك تحاول تخلي حالك رايق وهادي قد ما قدرت وبالأخص ضمن المنزل لأنو الأجواء عم تكون مشحونة شوي ، وأحيانا عم تفكر بجدية بموضوع الانتقال وتغيير السكن ، وفي قصة شاغلة بالك مع أحد الوالدين بتتعلق بموضوع منزل أو عقار ، أما ماليا فالمصروفات عم تضغط عليك وأنت بانتظار مبلغ مالي ، وبالنسبة للعمل في بوادر تحسن للأفضل ، بس بنفس الوقت عندك تخوف داخلي كبير من خسارة شغلك ، أو خسارة شخص معين هوي اللي عم يدعمك وعم تحصل من خلاله على فرص عمل ودعم مالي ، وكمان في قصة بتتعلق بواحد من الأبناء عم تاخد حيز كبير من تفكيرك واهتمامك
عاطفيا
حاول قد ما فيك ما تخلي ضغوط الحياة أو المشاكل الخارجية تأثر على حياتك مع الشريك ، وبادر فورا لحل أي خلاف صاير بينكم قبل ما يكبر لأنو عندك تخوف من حكي أو تدخل شخص غريب ممكن يكون إله تأثير على علاقتكم العاطفية،
صحيا
من الناحية الصحية بدك تدير بالك كتير وتنتبه من أوجاع الظهر ، وكمان في تعب بمنطقة الأقدام ، حاول تخفف ضغط عن حالك
نصيحة البرج
تمسك بالشخص اللي عم يدعمك بالعمل لأنو وجوده مهم بهي المرحلة ، وقصة المال بدها شوية وقت لا تستعجل ، وبالحب الثقة بالشريك هي الدرع اللي رح يحميك من حكي الناس وتدخلاتهم
العقرب ♏
يشغلك كتير ترتيب وضع منزلك بهي الفترة ، وعم تحاول بكل قوتك إنك تحافظ على مكانك واستقرارك وما يصير أي انتقال أو تغيير بالسكن حاليا ، أما ماليا فالمسائل المادية والمصروفات عم تاخد حيز كبير من تفكيرك لأنو الالتزامات اللي عليك كتيرة، عمليا بدك تكون حذر جدا وتنتبه من أي توتر أو خلاف ممكن ينش ضمن العمل ومع مديرك في العمل ، وفي موضوع أوراق أو عقود بتتعلق بشغلك عم تتابعها وهي الأوراق هي اللي رح تدعمك ماليا بالفترة الجاية، وللي عنده أبناء ففي قصة قانونية أو موضوع رسمي بيتعلق بواحد من الأبناء شاغل بالك وأنت ناطر الحل والفرج فيه
عاطفيا
بدك تحاول تفصل تماما وتبعد عن أي خلافات مع الشريك بتتعلق بقصص العمل أو السفر ، لا تخلي ضغط الشغل ينعكس على علاقتك ، حاول تفتح باب التفاهم والرواق مع الشريك لتقربوا من بعض أكتر وتتجاوزوا أي سوء تفاهم صار بالماضي.
صحيا
من الناحية الصحية بدك تكون منتبه وتدير بالك من أوجاع عم تظهر بأحد الأقدام ، وكمان انتبه من أوجاع الرأس
نصيحة البرج
تمسكك ببيتك هو اللي رح يعطيك الأمان النفسي ، وقصة الأوراق بالعمل هي مفتاح الرزق القادم ركز عليها ، وبالنسبة لموضوع الابن خليك صبور لانو الحل قريب ورح يريح بالك
القوس ♈
يشغلك مستقبلك كتير بهي الفترة وعم يراودك شوية خوف وقلق داخلي من إنو أمورك تتعركس أو تواجهك بعض الصعوبات ، وأنت حاليا بانتظار أخبار مهمة رح تحدد مسارك ، عمليا بدك تطول بالك كتير لأنك ممكن تشعر بحالة من التراجع أو الركود المؤقت ، نصيحة إلك حاول تبتعد عن أي خلاف ضمن العمل ، وبالأخص النقاشات اللي بتخص المال لحتى ما تخسر مكانك ، وكمان شاغلة بالك المسائل المالية والالتزامات وفي أوراق قانونية عم تلاحقها بخصوص مسألة مالية شاغلتلك بالك، الأمور بالنهاية رح تصفى وتكون لصالحك تماما
عاطفيا
يشغلك مستقبلك العاطفي والتباعد اللي صاير بينك وبين الشريك وعم تحاول تلاقي طريقة لتحل الخلافات اللي خربت صفاء العلاقة ، وأنت حاليا بانتظار اجتماع أو اتصال مهم رح يكون إله دور كبير بتغيير وضعك مع الشريك وبيرجع بيقرب المسافات بيناتكم من جديد
صحيا
من الناحية الصحية بدك تدير بالك وتنتبه من أوجاع الرأس اللي عم تتكرر معك ، وكمان عيونك بحاجة لراحة من التعب ، وفي وجع عم يروح ويجي بأحد الأقدام ، حاول ترتاح ولا ترهق حالك
نصيحة البرج
الخوف من العركسة هو مجرد وهم ببالك ، خليك واثق إنو الأوراق القانونية رح تخلص لصالحك ، وبالحب الاتصال اللي ناطره رح يبرد نارك ، فخليك هادي ومستعد للحوار
الجدي ♑
يشغلك ترتيب وضعك واستقرارك ضمن المنزل بهي الفترة، وموضوع البيت وقصة ميراث عم يسببولك حالة من القلق بخصوص المستقبل ، وكمان شاغلة بالك علاقتك مع الإخوة والناس المقربين منك ، بدك تكون حذر وتنتبه كتير وما تخلي الخلافات تكبر أو تاخد حجم أكبر من حجمها، أما ماليا فالمصروفات عم تشغل بالك وعم تناقش مسائل مالية وميزانية ضمن المنزل ، نصيحة إلك حاول تكون رايق وهادي بهي النقاشات لحتى توصل لنتيجة ترضي الكل وما تخسر حدا
عاطفيا
وضعك العاطفي بحاجة منك لشووية هدوء وطولة بال ، وأهم شي إنك ما تتسرع بقراراتك أو ردات فعلك تجاه الشريك ، لأنو الأمور بشكل عام رايحة باتجاه الأحسن ، بس بدها شوية وقت وصبر
صحيا
من الناحية الصحية بدك تدير بالك وتركز على صحتك ، وانتبه كتير من أوجاع الظهر ، وكمان ممكن تحس ببعض أوجاع البطن اللي بتجي من التوتر والقلق، حاول ترتاح وتاخد الأمور ببساطة أكتر
نصيحة البرج
قصة الإرث رح تترتب بس بدها سياسة وطولة بال مع الإخوة خلي الرواق بينكم ، وبالحب استبشر خير لانو القادم أجمل بس بلا عجلة بقراراتك
الدلو ♒
يشغل تفكيرك وضعك للأيام القادمة وعم تحاول ترسم صورة للي جاي ، وبالك مشغول كتير بموضوع أوراق رسمية بتتعلق بمنزل أو قصة ميراث ، وهاد الشيء تحديدا شاغل بالك كرمال وضع الأم ، أما ماليا فالمصروفات عم تعملك حالة من التوتر ومخاوف من المستقبل ، وبتحس إنك عم تركض لتعوض النقص ، عمليا بدك تكون حذر وتنتبه لمكان عملك من أي تنقلات مفاجئة ، وانتبه كتير من التوتر أو وقوع خلاف وبالأخص مع رؤسائك بالعمل ، خليك دبلوماسي ، وأنت حاليا عم تفكر ومنتظر اجتماع مهم بس بدي قلك إنو في تأخير وهاد الاجتماع مابتم خلال اليومين فطول بالك
عاطفيا
يشغلك مستقبلك العاطفي وعندك مخاوف وقلق بقلبك ، والأخص بعد ما صار في حالة من التباعد بينك وبين الشريك بالفترة الأخيرة ، نصيحة إلك لا تخلي الجفاء يطول ، حاول تكسر الحاجز وتحكي وتتقرب من الشريك لحتى ترجع أموركم
صحيا
من الناحية الصحية بدك تكون منتبه وتدير بالك من أوجاع العيون اللي ، وكمان بدك تنتبه من وجع الرأس
نصيحة البرج
قصة الميراث والأوراق بدها نفس طويل ، لا تخلي التوتر يسيطر عليك ، وبالشغل الاجتماع رح يصير بس بوقته ، وبالحب المبادرة منك هي اللي رح تنهي التباعد
الحوت ♓
يشغلك ترتيب وضع عيلتك واستقرارها بهي الفترة ، وفي بوادر تحسن واضحة للأفضل والتوتر اللي كان موجود بدأ يتراجع بشكل ملحوظ ، بس نصيحة إلك حاول ما تخلي النقاشات المالية تسبب أي خلافات جديدة بالبيت ، وبالك مشغول كتير بالمصروفات المادية بس طمن بالك لأنو في مؤشرات قوية لبعض التحسن المالي بالمستقبل القريب ، بس بدك تكون مفتح ومصحصح وتنتبه كتير من ضياع أو فقدان أغراض شخصية بتخصك ، أما عمليا فوضعك مستقر ، ولاحقا رح يكون عندك متابعة لأوراق وقضايا بتخص العمل ، وللي عنده أبناء ففي واحد من الأبناء شاغل بالك وعم تحاول بكل جهدك ترتبله وضعه المالي وتأمنله مستقبله
عاطفيا
يشغلك مستقبلك العاطفي كتير وعم تغرق بتفكير وترتيبات مستقبلية مع الشريك لحتى تكون علاقتكم أمتن ، بس بدي منك تنتبه كتير لهدوءك وما تنفعل مع الشريك
صحيا
من الناحية الصحية بدك تدير بالك وتنتبه من أوجاع الرأس اللي عم تروح وترجع، وكمان من اوجاع منطقة العيون
نصيحة البرج
الاستقرار العائلي اللي وصلتله مكسب كبير حافظ عليه ، وقصة الابن رح تترتب بفضل سعة بالك وتدبيرك ، وبالحب الرواق هو اللي بيخلي الشريك يسمعك ويفهمك صح
