بعيد عن عينى لكن

بعيد عن عينى لكن

كتبت / شمس فتحى 

بعيد عن عيني لكن

ساكن كل الاماكن

ساكن روحى و قلبى

انت الأغلى عندى

يمكن لقاك احلى

لكن فى غيابك حاضر

كل الحاجات بيك تحلى

على الصعب بيك انا صابر

من غير ماطلب تهتم

دا انت الاغلى والأهم

انت الدنيا ب حالها

جنة مافى فى جمالها 

عمرك ماكنت غايب

دايما اغلى الحبايب

فى قرب انت الأقرب

فى البعد تجرى ب الدم

انت الامان لقلبى

دايما محتاجك جنبى

انت هدية سنينى

وروحى وضى عينى 

انت العوض والسند

ضهرى بيك اتسند

الله يخلى الغالى

حبيبى وأهلى وناسي

راجلى وتاج راسي

انت صديقى وابنى

انت الاخ والاب

انت الاحن والاحب

عرفت معاك الحب