خمسة فضفضة
خمسة فضفضة
بقلم : محمد.فتحي شعبان
صباح ومساء الخير الاتنين مع بعض …
مسكوا الواد مع كلبة أو كلب …
خبر علي وسائل التواصل الاجتماعي ، شاب يمارس الجنس مع كلب …قد يكون وقد يكون انثي …رجل سبعيني يغتصب طفل في السادسة من عمره …و ..الدادة تسهل له الأمر ومديرة المدرسة والمدرسة تغطي علي الموضوع و يعدي …تحرش بأطفال وبنات وشباب كمان ، نعم شباب قد يتحرش بعض الشباب البلطجية بشاب و يغتصبوه ….يمكن موضوع أن يمارس شاب الجنس مع كلب جديد علي الكثير ولكن …..ايوووة الموضوع موجود من زمان …في بعض القري المحيطة ببلدتنا كنا نسمع أن شاب ضبطوه يمارس الجنس مع حمارة أو بقرة احيانا كلبة أو عنزة …الكبت وغياب الوازع الديني وما يتعرض له الشباب من فتن …متحاولش تقنعني أنه شاب عازب حيشوف بنت لابسة بنطلون لازق في جسمها وبدي لازق فيها ومش حتثير شهوته …طبعا مستحيل، النت مليان بالمقاطع الجنسية وبيشوفها شباب وبنات وستات والشاب متجوزش محروم وحيشوف بنت في الشارع …أما موضوع أن يغتصب كلبة أو راجل زي اللي في المدرسة ده صعب ، ده فيه خلل كبير ، لا اجد ما اقول الموضوع فوق الاحتمال ووصلنا لمرحلة إنحطاط سيئة جدا …يغتصب كلب طب دكر ولا نتاية … وكم فيك يا مصر من المضحكات ولكن مضحكات كالبكا .
موضوع طالبة كلية العلوم …موضوع مؤلم …يعتصر القلب ..كيف وصلنا إلي هذا الحال ، ما هذا الخذلان …اين المروءة والشهامة ، الناس بتتفرج علي الطالبة وهي بتموت …كان في امل إنهم ينقذوها ومع ذلك متحركوش ، لم يتحرك أحد لينقذها أو يسعفها …ازاي كدة …
موضوع البحارة المصريين في ميناء الشارقة الامارات …ليه المصري رخيص ..دمه رخيص وحياته رخيصة وشرفه وعرضه رخيص ، اي حد من أي دولة بيتعرض لاي شىء في مصر سفارة دولته بتتدخل فورا وتحل الموضوع ، لما المصري بيتعرض لاي شىء برة مصر سفارتنا ودن من طين وودن من عجين ولا كأنها هنا .
المواضيع كثيرة ….انتشار السرقات وتعاطي المخدرات والقتل والاغتصاب والتحرش وحالات الدعارة …شوفت فيديو لشباب بيتعاطوا مخدرات نوع جديد شابو وحاجة تانية كدة …الشباب فعلا ميتين بالحياة …ملهمش أي لأزمة …حكيت قبل ذلك عن كوبري 21في اسكندرية والمنظر اللي شوفته بنات وستات وشباب وأطفال ، البنت او الست ممكن تسيب نفسها لاي حد يعمل فيها أي حاجة مقابل الجرعة ، دي حاجات يعني باينة ومعروفة ، الواقعة بتاعة البنت اللي جايبنها من كام يوم وأنها اتعرصت للاغتصاب وأنها حامل اهي دي في الشارع عدد كبير من الناس مارس معها الجنس سواء بموافقتها أو غصب عنها مقابل اكل وشرب أو جرعة مخدر أو او او حاجات كتير .
من الأحداث الشهيرة عندنا أنهم ظبطوا واحد وواحدة في حمام الجامع ، الموضوع أتكرر اكتر من مرة باكتر من شكل في اكتر من مسجد ، يعني ضاقت بيهم الدنيا ملفوش إلا حمام المسجد يتنيلوا فيه ، ضياع هيبة الدين من قلوب الناس ، النكت اللي بتتقال علي الدين والجنة والنار ضيعت هيبة الدين ، استضافة واحد بدقن مع مذيعة أو ممثلة او او عريانة ويتحاورون مع بعض ، تبقي مش عارف تسمع كلام الشيخ ولا تتفرج علي صدر المذيعة اللي طالع برة هدومها .
بقولك ايه أنا مش حتكلم تاني خليني ساكت احسن سلامو عليكو
