موهبة كبيره ضلت طريقها ومختفيه عن الملاعب بقالها كتير بعد خروجها من الاهلى هو رمضان صبحى، موهبة كروية توقع له الكثيرون تخطى النجم العالمى محمد صلاح وان يصبح نجما من نجوم اوربا. رحل عن النادى الاهلى وتحدث الخطيب عنه وقال جملته المشهورة- انا مش زعلان منه انا زعلان عليه، وكانه قراء المشهد لما سوف يحدث لهذا النجم من احداث مستقبلية مؤسفة.
رمضان صبحى صحية عدم الالتزام وانضباط،والنادى الأهلى منظومة انضباط و جدية
فالشخص فيها بيكون اقرب للالتزام من الانفلات
بعكس لما يكون فى بيئة عمل حيادية الانضباط
وكل قوتها فى ضخامة راس المال
علاوة على أن الأهلى فى مواقف زى دى
وبحكم خبرته ورجالاته بيعرف يتعامل مع هذه المواقف بأقل خسارة. ولكن نادى بيراميدز تسيطر الاموال على المبادئ. .. .
التاريخ بيقول ان فيه لعيبة كتير حصلها مشاكل في الاهلي والزمالك وفيه أندية كبيرة على مستوى العالم، وكانت الأزمات سبب في دمارهم، وبرضو فيه لعيبة حصلها مشاكل وقدروا يتخطوها.
الموضوع هنا، اخطاء شخصية لا يستطيع الأندية التعامل معها، وبالتالي، ازمات رمضان صبحي، هي أزمات شخصية في قرارت غلط، يتحملها هو ويدفع ثمنها، واللي اكيد تمثل ابتلاء وكرب شديد، ربنا يطلعه منه ويطلع كل واحد اخطأ في حق نفسه.
الخلاصة .. مفيش نادي بيديك حصانة، حصانتك هي ستر ربنا ليك، من عملك واجتهادك واحترامك للقمة عيشك.
