أجمل سنين العمر بقلم تغريد نافع

مقولة العمر فعلاً مجرد رقم دى حقيقة.

الدليل على ده إن أجمل سنين عمرك مش مرتبطة بفترة محددة.

مش مرتبطة بسن الشباب و بس.

الحقيقة إن أجمل سنين عمرك هى المرحلة اللى هتقرر تعيش فيها لنفسك ولسعادتك.

تختار تعيش كل لحظة فى عمرك زى ما تحب.

إنك تعيش السنين مش تسيبها هي اللي تعيشك.

بمعنى أنك تتعلم تستمتع بالحياة،مش تتسحل فى تفاصيل كتيرة تكون أنت فيها مش أولوية .

وتنسى نفسك وسط دوامة تفوق منها وعمرك بيتسرق من بين إيديك .

خليك عارف إنك فى أى عُمر تقدر تعيش وتقدر تنبسط.

ممكن يكون ده فى أول عمرك فى آخره مش فارقة كتير.

المهم تعيش.

المهم تنبسط .

المهم تكون أولوية عند نفسك وقتها بس دى هتبقي أحلي سنين عمرك.

جرب بنفسك وهتشوف النتيجة.