أسرار فن العلاقات

أسرار فن العلاقات

 

كتبت /سما فتح الله 

العلاقات الإنسانيه 

مدرسه حياتيه غامضه مواقف تعلم وتدرس 

ومواقف تؤلمنا وتعلم فينا

في العلاقات مفيش كلمه آسف . إنت لازم تصلّح الغلط

و مابتسبش الطرف التاني لدماغهُ ، إنت مُجبر تقدم إجابات واضحة

 

في الغيرة مفيش إنت بتقيدني ، إنت لازم تقوم بتصرف واضح وتكون أكتر إحتراماً لمشاعر الطرف الآخر 

في المشاكل مفيش هروب أو إنسحاب ،

 لازم يكون في مواجهة وإلتزام

في التصرفات

 مفيش أنا طبعي كده 

فيه ضبط للنفس ومحاولة للتغيير 

في المشاعر مفيش إعتمادية على طرف واحد ،

 لازم يكون فيه توازن في المسؤولية

في المشاعر

 مفيش أصل أنا عملي وهو عاطفي ، 

لازم نشبّع إحتياجات بعض

 

في المسؤولية

 مفيش حضور لطرف عن طرف ، إنتوا الإتنين مُلزمين تنجحوا العلاقة

مفيش البنت بتتاخد علي قد عقلها ، إذا لم تكن علي توافق عقلي معاك ماتكملش

مفيش أصل الرجال مابيحسوش ،

 المشاعر مافيهاش ذكر وأنثي

وقت الخناق مش حرب 

، دا أشد وقت للإحتواء

وقت الخصام

 مش هجر وفُجر ، دا أشد وقت للإنسانية وصدق المحبة ونوايا الخير

الضغوطات

 مش مؤشر لسوء طرف أو إنتهاء العلاقة ، دا تحدي لشدة تمسككم ببعض 

، الإنسحاب 

ساعتها دليل قاطع علي ضعف الحب وتمسك من البداية 

 

الفتور طبيعي جداً في العلاقة ، مش مؤشر علي جفاء طرف

 العناد 

أول طريق لفشل العلاقة ، الشخص العنيد بطبعهُ مايتعاشرش

 الفلوس 

بتشتري نوع واحد من الستات ، وأكيد إنت عارفهُ

 الأنوثة المصطنعة

 مش بتجذب غير نوع واحد من الرجالة ، وأكيد إنتِ عارفاه

 

العلاقة

 مابتقومش علي راجل شديد الرجولة ولا أنثي متفجرة الأنوثة ، العلاقة بتتبني علي أربع أركان ،، إنجذاب القلب ، إنجذاب العقل ، الإنجذاب الجسدي ، الإنجذاب الروحي ، لازم يجتمعوا جميعاً في العلاقة ، مابتنجحش علاقة بركن واحد أو رُكنين

 

العلاقة

 مش راجل بيصرف ألوفات شهرياً ولا ست شايلة نضافة البيت والعيال علي كتافها

 العلاقة 

تقدير وحِرص كل طرف علي إنهُ يقدم كامل مسؤولياتهُ وإلتزاماتهُ وحُبه وحُسن طباعهُ وقوة تحمّلهُ للطرف الأخر

 

الجواز 

مش يينهي الحُب ، في طرف بيستني تعويض وإستحقاق زيادة عن اللزوم بعد الجواز

 الجواز

 مش بينهي الحُب ، في طرف بيتحجج بكثرة المسؤوليات

 الجواز

 مش بينهي الحُب ، في طرف كان واخد الحكاية إن نهايتها الجواز فلما جات النهاية إنتهت معاه الحكاية

 الجواز

 بيزيد معاه حُب العشرة والسكينة

 القوامة فرض يُحاسب عليه الرجل

 طاعة الأنثي لزوجها جهاد في سبيل اللّٰه

 

العلاقات

 مافيهاش أنا كلامي يتسمع ، في أسباب تُقدم ومن شروطها أنها تكون مُقنعة ويرضي عنها الطرف الأخر

 العلاقة 

مش راجل لازم يجبلي ، إحنا بنعيش علي قد الإمكانيات المتاخة معانا وبنخطط بواقعية

بس مش برضه مش بخل وانانية

 العصبية

 مش طبع ، في تربية سمحت لشخص إنهُ يعلّي صوته وينفعل وخلاص تحت أي موقف ، فماتديش مساحة لشخص إنهُ يمارس عليك شيء في الأساس مُكتسب

 الجواز سكينة ….

 والعلاقات راحة نفسية وعون