ارتاحى انا معاكى "خلى عنك ارتاحي انتِ انا معاكي" دي الجملة اللي كل ست محتاجة تسمعها بسيطة بس بتشيل جبل من على القلب مفيش عتاب مفيش "ليه قصرتى" مفيش جلد ذات فيه بس "انا سندك افصلى" في زحمة الحياة والجري اليومي بتنسى الست نفسها وهي بتشيل الكل وتجرى وتتفرم فى مفرمة الحياة وترجع تقول "انا كويسة" بس الحقيقة؟ كل اللي محتاجاه مش بيت متروق ولا واجب محلول محتاجة حضن أمان يطمنها انها مش لوحدها الأمان مش فلوس ولا هدايا الست مش محتاجة اللي يجيب ويودي بس محتاجة اللي يسمعها وهي تعبانة من غير ما يقول "ما كلنا تعبانين" محتاجة كلمة "انا فاهمك" وقت ما تحتاجها الاحتواء هو ان حد يشيل عنك نص الحمل النفسي قبل الجسدي التفهم وقت التقصير كلنا بنقصر يوم نلحق ويوم نأجل المرأة محتاجة اللي يقولها "عادي بكرة نعوض" بدل جلد الذات زي المديرة اللي تفهمت لما عرفت ظروفك. التفهم ده لوحده بيخفف 50% من الضغط. مساحة صغيرة للنفس حتى السوبر هيرو محتاجة 10 دقايق شاي من غير موبايل ولا طلبات الاحتواء كمان ان اللي حواليكي يدوكي الإذن ترتاحي من غير تأنيب ضمير لان الست لو وقعت البيت كله بيقع المرأة مش ضعيفة بس شايلة كتير ومش محتاجة بطل خارق محتاجة سند كلمة حنينة حضن وقت الخوف وحد يقولها "ارتاحي انا معاكي" يمكن ده اللي هيخليها تكمل وتضحك وهي بتجري تاني يوم
