المقالات والسياسه والادب
الفعل ورد الفعل كتبت /سما فتح الله
الفعل ورد الفعل
نتصيد الأخطاء لبعض
ونعاتب بعضنا البعض
ولكن نتناسى ما قد يصدر مننا فى حق الاخر
ليه كلنا بنمسك في رد الفعل…
ليه ما بنبصش للفعل اللي يخلي الشخص يعمل كدا
إحنا مش ملايكة
إحنا بشر
وكل واحد فينا ليه طاقة ما بيقدرش يتحمل بعدها ولا فوقها مثقال ذرة فوق طاقته
وبشاعة رد الفعل متوقفة على بشاعة الفعل
ولما الكيل بيطفح الإنسان طبيعي بيتجرد من أدميته وممكن يعمل اللي تتخيله واللي ما تتخيلوش
دا حتى دي قاعدة فيزيائية
لكل فعل رد فعل مساوي له في القوة مضاد له في الإتجاه
يعني قبل ما تحاسبني على رد فعلي مهما كان ،
حاسب نفسك لأنك إنت اللي وصلتني ووصلت نفسك لرد فعلي دة
بس هي الناس كدا
دائماً تحكم على المشهد من غير ما تدور في خلفياته وتفاصيله وأسبابه.
الفترة دي مينفعش حياتك يكون فيها أي شخص بيضغط عليك ، لان اصلا احنا فى ايام تقيله قوى
إنتَ محتاج ناس مرنة جدًا في تعامُلها ،
ناس ما بتُقفش على الواحدة و حطّاك طول الوقت تحت ضغط سواء بكلامها
أو بتصرُّفاتها اللي بتضايقك .
او حتى باللامبالاة والبرود الزائد
كلنا محتاجين ناس تزُق معانا الأيام ،
ناس لما نتفق على ميعاد وما نقدرش نروحه يلتمسوا لنا ألف عُذر ويقولوا مَفيش مُشكلة عادي وتتعوّض ناس تفهم إننا تعبانين ومش كويّسين
لكن بنحاول نبقى كويّسين فيساعدونا على دا وما يزهقوش ويمشو ويسيبونا
محتاجين ناس تحسسنا وتفهمنا مش عايزين ناس نقعُد نبرر لهم كلامنا ونفهمهم قصدنا عشان بس نتجنب سوء ظنهم وندخل في جدال يهد حيلنا أكتر ما هو مهدود
محتاجين ناس تقدر ظروفنا و تفهمها بكل احترام
ناس فى يوم كانوا حلم حياتنا
