المقارنة سارقة الفرحة كتبت/شمس فتحى 

المقارنة سارقة الفرحة

كتبت/شمس فتحى 

 

الجواز مش مسابقة مين أحسن الجواز شراكة لما تبطل تقارن شريكك بحد هتبدأ تشوفه هو وتقدره هو

 

المقارنة في الحياة الزوجيةمن أكتر الحاجات اللي بتدمر العلاقة بالبطيء

 

أشكال المقارنة اللي بتحصل كتير

 

مقارنة الشريك بالآخرين

شوفي جوز فلانة جابلها إيه

 شوفى مرات صاحبى بتعمل إيه

 

هناك أيضا مقارنة بالعلاقات القديمة

أمي كانت بتطبخ أحسن من كده خطيبي الأول كان رومانسي أكتر

 

مقارنة بالسوشيال ميديا حياة الناس اللي بتشوفها على إنستجرام وتيك توك وهي 5% بس من الحقيقة

 

مقارنة نفسك بشريكك

انا بعمل كل حاجة وانت مبتعملش حاجة

 

آثارها السلبية كثيرة جدا وأكثر من صوره

 

منها الذى يؤثر على الشخص اللي بيتقارن من

 

الإحباط

 بيحس إنه مش كفاية مهما عمل

 

قلة الثقة بالنفس  

عمري ما هعجب

 

العند 

طالما مش عاجبها خلاص مش هعمل

البعد العاطفي بيقفل منك وبيبطل يحاول يرضيك

 

على العلاقة

 

خلق فجوة بتحسسوا الطرف التاني إنه في اختبار طول الوقت

قتل الامتنان مبتبقوش شايفين الحلو اللي عندكم

 

زيادة الخناق كل موقف بيتحول لمقارنة وندية

الخيانة العاطفية ساعات بتفتح باب إن الواحد يدور على اللي ناقصه بره

 

وعلى الشخص اللى بيقارن

عدم الرضا المزمن

 هتفضل حاسس إن ناقصك حاجة حتى لو اتجوزت أحسن واحد في الدنيا

 

ضياع مميزات شريكك عينك على عيوبه بس عشان بتقارن

 

ليه بنقارن أصلا لها أسباب ولكن لا اعتبرها مبررات

 

عدم الأمان خايف تكون اخترت غلط

 

المثاليةفاكر إن في جواز مثالي من غير مشاكل

الفراغ لما العلاقة تبرد بندور على اللي ناقص بره

التربية اتربينا على شوف ابن خالتك جاب كام

 

إزاي نبطل مقارنة

 

اقفل السوشيال ميديا شوية 90% من اللي بتشوفه فلتر وكدب

 

اكتب مميزات شريكك كل يوم اكتب 3 حاجات حلوة فيه. هتبدأ تشوفها

 

ركز على علاقتكم كل بيت له ظروفه وطبعه مفيش كتالوج واحد للسعادة

 

اتكلم عن احتياجاتك بدل المقارنة بدل

شوف جوز فلانةقول أنا بحب لما تخرجني

احمد ربنا على اللي عندك المقارنة بتعمى والامتنان بيفتح العين

طوروا بعض سوا لو في حاجة نفسك فيها اشتغلوا عليها مع بعض بدل ما تتمناها من برا

واخيرا 

المقارنة سارقة الفرحة