الواقع إلى ورانا 1 كان يا ما كان فى يوم من الايام ست بتحايل عيشتها و بتربى عيالها بعد ما ابوهم إلى ملوش لازمه استغنى عنهم و رماهم و راح يشوف حياتهم مع واحده اكبر منه بس معاها أموال و اختفى تماما كانت زمرده ام و ساكنه بالإيجار و حال المال فى خبر كان و جيه معاد أجرة البيت و الجيب فاضى خافت زمرده لصاحب الملك يطردها بالعيال و خصوصا أن ده تالت شهر يتكسر عليها و ملهاش حد تاخد منه و كانت بنتها تمتلك من الدنيا حلق دهب جالها هديه فحيلت بنتها عشان تستلف منها الحلق و اتصل صاحب البيت عاوز الاجره و تكون حاضره اليوم فبكت زمرده و قالت ازاى بس يارب انهارده اجازه الصياغ ايه العمل سلمتهالك بس هسعى يمكن الاقى صايغ فاتح ، نزلت زمرده سوق الصياغ تبص يمين كل المحلات مقفوله تبص شمال كله بردو مقفول و ماسكه الحلق و بتبكى فضلت رايحه جايه فى الشارع محتاره و محتاسه معاها الحلق و كمان متعرفش ثمنه هيسد الدين و لا لا و رن تلفونها المهكع مين صاحب البيت بيقول لها انا هكون عندك خلال ساعه يا تحضرى الاجره يا تحضرى حاجتك عشان تمشى و هتمضى على إيصال امانه بالدين انهارت زمرده و قالت لا يارب واثقه فيك انت إلى عالم بتصب على شمالها لقت محل صاغه فاتح و منور مسحت دموعها و ردت على صاحب البيت ( تنور يا استاذ تعالى خد فلوسك ) و قفلت الفون و دخلت تبيع الحلق الغريبه أن الحلق الصغير جاب مال كتير يكفى و يفيض و سدت الدين و ربنا كرمها بشغل و الحال اتظبط قررت بعد 3 شهور ترد لبنتها الحلق راحت لنفس الصائغ و بتقول يارب ميكونش باعه دورت على المحل ملقتوش دورت تانى لقت المحل بس كان مقفول سالت المحل إلى جنبه ( لو سمحت المحل إلى جانبك قافل ليه بصلها الراجل باستغراب و قالها ( المحل ده قافل من اربع سنين صاحبه مات و عليه مشاكل ميراث ) انصدمت زمرده و مشيت فى صمت و وقفت ادام المحل و هى مندهشه و مصدومه بتبص فى الارض لقت الحلق بتاع بنتها إلى المفروض بعته خدت الحلق و مشيت و فضلت اسبوع مصدومه تقول شكرا يارب شكرا يارب معجزات الخالق مبتنتهيش كل الى عليك انك تثق فيه و تنده عليه لازم هتلاقيه و تحصل معجزه كم منا حصلت معه معجزه لم يصدقها حتى الآن
