الحب والسكن والمودة والرحمة كلها مشاعر لها اعمق المعانى ولكن فى كلمتين بيلخصوا الأمان في العلاقات، قالت: “أنا مينفعش أبقى بخاف منك، مينفعش أبقى طول الوقت حاسبة كلامي معاك، انت جوزي.. العيشة بينا مينفعش يبقى شكلها كده!”
أكبر وأهم green flag في أي علاقة إن الشخص ده ينفع يكون “صاحبك” قبل ما يكون حبيبك..
تقدر تتكلم وتفضفض معاه براحتك من غير ما تخاف إنه يفهمك غلط، أو تخاف من رد فعله لو غلطت بدل ما يوجهك بلُطف، وحتى لو زعل منك يتقبّل إنك إنسان وبتغلط عادي..
تحس إنه شريكك في كل حاجه ومتبقاش شايل العلاقة كلها على كتفك وتبقى انت المسئول عن نجاحها لوحدك!
يكون بينكم أمان ناحية بعض، تناموا وانتوا متأكدين إن مفيش خوف، مفيش بُعد، مفيش غـدر، حتى لو متخانقين مليون خناقة مش هيبقى فيه إهـانة من أي نوع..
يبقى فيه مساحة تقدر تعبّر فيها عن مخاوفك ومشاكلك، زعلك والتصرفات اللي بتضايقك، أحلامك وطموحاتك؛ من غير ما يقلل من كل ده بالعكس يبني ويحلم معاك..
