برجك وطالعك ليوم الجمعة والسبت 27 , 28 مارس 2026
بقلم.د. نجلاء كثير
نجدد اللقاء مع برجك وطالعك
ليوم الجمعة والسبت 27 , 28 مارس 2026
ونجدد التذكرة بأنه كذب المنجمون ولو صدقوا
الحمل♈
يشغلك المستقبل ويشغلك ترتبب وضعك وفي شوية مخاوف للايام القادمة والاخص من النواحي المالية والاستقرار ، وحاول تجنب اي توتر ضمن منزلك ، ماليا يشغلك المال والمصروفات ويشغلك مبلغ مالي بدك تدفعه يتعلق بمنزلك ، لكن امورك المالية بطريقها للتحسن وللافضل ، وهاد الشيء ايضا مرتبط بعملك الي بدأ يتحسن مع بداية جديدة وبديت تحصل على الدعم والتأيد وعندك تفكير لتغير خطط العمل وبدك تتفق مع صاحب العمل ، يشغلك لقاء وحكي ضمن منزلك لكن مارح تكون الامور متل مابدك للمستقبل
عاطفيا
يشغلك مستقبلك العاطفي وعم تحاول اصلاح الخلافات وانك تنهي التباعد لكن بدك تنتبه لاتخلي خلافاتك مع الشريك تأثر عليك والاخص على عملك وانتبهةمن الخلافات المالية
صحيا
انتبه لاوجاع الظهر والاقدام
نصيحة الفلك
النجاح عم يدق بابك بس بيحتاج منك ترتيب أولويات لا تشتت طاقة حماسك بألف قصة بنفس الوقت ، ركز على المشروع اللي بدأ يتحسن بين إيديك، وخلي خطواتك مدروسة
الثور♉
حاول ماتخلي الظروف تأثر عليك وعلى نفسيتك ، والاخص بموضوع العمل ومكان العمل وفي تطور ايجابي بعملك وعندك مخاوف من خسارة شغلك وبدك تخلص من علاقات عملية تاعبتك ، يشغلك موضوع يتعلق بالعقار وميراث وبدك تخلص منها وبدك تنتبه من اي خلاف ، وفي قصة تتعلق باحد من الوالدين شاغلتك ، ماليا يشغلك المال والمصروفات المالية وهاد عاملك قلق وفي اجتماع يتعلق بمال سابق انت منتظره ، وانتبه من اي تأثيرات روحانية او توابع ممكن تأثر عليك
عاطفيا
يشغلك مستقبلك العاطفي وفي تفاهم مع الشريك ووضعك للافضل وفي قصة بدها حل مع الاهل حتى مايكون في سبب للتدخل
صحيا
انتبه لاوجاع المعدة واكثر من شرب الماء للتخلص من اوجاع البطن
نصيحة الفلك
القلق هو أكبر عدو لنجاحك حاليا لا تخلي شيء يسرق منك فرحة التطور اللي عم بصير بعملك ، بخصوص أهلك وعقارك ، مفتاح الحل هو الحوار الهادئ مو الهروب من المواجهة ، رتب أوراقك المالية
الجوزاء ♊
يشغلك ترتيب امورك في الايام القادمة ، وانت بانتظار لقاء وعم تبني امال كبيرة على هاد الاجتماع لترتيب وضعك مستقبلا ، ماليا يشغلك المال والمصروفات وفي ضغوط عليك وعم تكبر مسؤولياتك وبدك الدعم ، وبدك تنتبه من خلاف مالي مع احد الوالدين ، حتى على الصعيد العملي وضعك للافضل بس عم تشعر بزيادة الضغوط عليك وفي حكي على مال من شغلك بس خليك رايق ، وبدك تنتبه من اي توتر مع الاخوة والمقربين
عاطفيا
الشريك عم يخليك بكثير اوقات تحس بحيرة وتشتت بسبب تصرفاته المتقلبة وفي عندك نقاش قريب رح يدور حول تنفيذ الوعود اللي انقطعت الك بالفترة الماضية ورح تسمع وعود جديدة كمان لكن انت صرت محتاج افعال اكتر من الكلام لحتى ترتاح وتطمن لمستقبل العلاقة
صحيا
لازم تنتبه من اوجاع اعصاب المفاصل وانتبه من اوجاع العيون
نصيحة الفلك
خليك واقعي بتوقعاتك المالية والعاطفية وحاول توازن بين مسؤولياتك العائلية وشغلك بذكاء الصبر هو سلاحك لتمر هي الفترة بسلام والامور رح تترتب تدريجيا
السرطان ♋
في عندك وعود ناطر تنفيذها وعم تنتظر لقاء او خبر من احد الوالدين بيتعلق بموضوع مالي وحكي عن سفر ، وكمان في قصة بتخص احد الابناء عم تاخد جزء كبير من اهتمامك وتفكيرك هاليومين ، وايضا عم تنشغل بمقابلة شخص بخصوص موضوع بيت او منزل وفي عندك ضغوط مالية ومصروفات زايدة وعم تنتظر مبلغ مالي يوصلك لكن لازم تنتبه كتير لان الجو مشحون وممكن يصير توتر او خلاف بسبب هاد المال ، وحاول كمان تهدي اللعب مع الاخوة لان في مؤشرات لتوتر وخلافات عائلية انت بغنى عنها ، عمليا مستقبلك المهني عم يشغل بالك وفي دعم وتحسن من بعد لقاء كنت متخوف منه لكن الامور رايحة لصالحك وبنفس الوقت بدك تطور حالك واحيانا بتفكر بالبحث عن عمل جديد لكن الفلك بيبشرك انو في تحسن قادم ورح تكون الامور للافضل
عاطفيا
تشغلك العاطفة والتباعد الحاصل مع الشريك ، لازم تكون نقاشاتك مع الشريك مبنية على الهدوء التام وابعد عن العصبية وبنفس الوقت حاول انك ما تكون متسرع باصدار الاحكام ، واهم نصيحة الك اليوم انك ما تخلط بين مشاكلك بالعمل وبين علاقتك العاطفية لحتى تضل مرتاح وما تخسر دعم الشريك الك بهي الفترة
صحيا
لازم تنتبه لاوجاع الصدر والمعدة وكمان انتبه لاوجاع الراس
نصيحة الفلك
الفلك لا تخلي الضغوط المالية تأثر على علاقتك باهلك واخوتك وخليك صبور لان الغيمة السوداء بالشغل رح تمر ويجي مكانها انفراجات كبيرة بتسعد قلبك
الاسد ♌
عم تمر بفترة عم تحس فيها بتراجع بالمزاج وضيق خلق وعم يشغلك كتير موضوع الانتقال او السفر ، والنقاش احيانا عم يسبب بعض الخلافات والتوتر ضمن المنزل ومع المقربين حاول تقريب وجهات النظر وحاول انك تهدي الامور وتصلح علاقاتك مع الاهل والمحيط لحتى تكون مرتاح ، كمان عم تشغلك المسائل المالية والمصروفات اللي زادت عن حدها وانت بانتظار دعم مالي معين الدعم رح يوصلك ورح تلاقي مساندة لكن لازم تنتبه كتير لمصروفك لان الموضوع حساس وما بيتحمل اي استهتار ، عمليا هي الفترة مهيئة لتطور نفسك عمليا او ايجاد العمل بس لاتشتت افكارك بين المال وايجاد حلول لموضوع منزل
عاطفيا
عم تحس انك غير مستقر بوضعك العاطفي وهاد الشي ناتج عن ضغط الظروف والوضع المالي اللي عم يلقي بظلاله على علاقتك بالشريك فحاول تخفف من افكارك السلبية وتفاؤل بالخير ، وفي حكي وضغوط عم تجيك من اشخاص مقربين وهي عم تأثر على نفسيتك
صحيا
لازم تنتبه لصحتك وتخفف من الضغوط النفسية والارهاق ، وانتبه من اوجاع البطن وانتبه من اوجاع احد الاقدام وريح عيونك
نصيحة الفلك
تصليح علاقتك مع العائلة هو المفتاح لفتح بواب الحظ الك بالفترة الجاية ولا تستعجل بمشروعك الجديد لحتى تضمن وصول المال بالكامل
العذراء ♍
عم تمر بفترة فيها شوية صعوبات وضغوط ضمن المنزل وعم تواجه خلافات عم تحاول تسيطر عليها وترتب وضعك العائلي لحتى ترجع الاستقرار لبيتك وفي موضوع الانتقال شاغلك وبدك تخلص منه ، وتشغلك قصة مع الابناء ، وكمان عم تشغلك قصة او موضوع بخص احد الوالدين ومحتاج منك حكمة وطولة بال لهيك حاول تحل اي خلاف بهدوء بعيدا عن الانفعال ، ماليا مستقبلك المالي هو الشاغل الاكبر الك والاخص المصروفات اللي عم تزيد وهاد الشي مرتبط بوضعك المهني وعم تحاول تقارن بين مجهودك بالعمل وبين المصروف اللي عم تدفعه وهاد الشي مخليك تفكر بجدية لتبدا بعمل جديد ، وبنفس الوقت انت ناطر خبر بخصوص موضوع عقار او ارض ممكن تغير من موازينك المالية وفي بشاير خير قادمة لحلول
عاطفيا
عم تمر بحالة مراجعة لذاتك وعم تبحث عن الاسباب اللي ادت لتراجع وضعك العاطفي او البرود بالعلاقة ، هي فترة مؤقتة ورح تمر وكل شي رح يتغير للافضل ويرجع الود متل الاول بس انتبه انك تربط السعادة العاطفية بالمال او الحالة المادية لان المشاعر الحقيقية بدها اهتمام معنوي قبل كل شي
صحيا
لازم تنتبه لطاقتك ونفسيتك ، ولازم تريح حالك من اوجاع الظهر وانتبه من اوجاع العظام او الاسنان وانتبه من اوجاع الكلية وحاول اكثر من شرب الماء
نصيحة الفلك
هدوءك بالتعامل مع العائلة والعائلة هو اللي رح يختصر عليك مشاكل كتيرة والخبر المالي اللي ناطره رح يوصلك بالوقت المناسب بس خليك صبور ومنظم
الميزان ♎
عم تنشغل كتير بالتفكير بالمستقبل وبالايام القادمة على الصعيد العملي والمالي ، ماليا يشغلك المال والمصروفات وفي ضغوط والتزامات لموضوع عقار وفي مبلغ بدك تستلمه بس عم يتأخر ، عمليا انت موعود ببدء عمل اضافي او مشروع رح يترتب عليه استلامك لمبلغ مالي وبدك تنتبه كتير لان في منافسين حولك عم يراقبوا خطواتك وانتبه من وقوع خلاف والاخص مع الشركاء او الناس اشتغلوا معك سابقا وممكن يتطور وانتبه من الامور القانونية ، كمان في قصة رح تخص احد الابناء ورح تاخد جزء من اهتمامك وفي موضوع سكن بيخص احد المقربين منك او احد الوالدين رح يشغل بالك ويخليك تفكر كيف بدك تساعد او ترتب هاد الامر
عاطفيا
وضعك مع الشريك بشكل عام منيح رغم احيانا التباعد لكن احيانا الشريك بيحتاج منك شوية توضيحات واجوبة على اسئلة بباله لهيك حاول تكون صريح وواضح معه لحتى تضل علاقتكم بأمان ، وحاول ابعاد اي تدخلات بحياتكم العاطفية
صحيا
لازم تنتبه من اوجاع الراس اللي عم تجيك والسبب ممكن يكون اجهاد للعيون وكمان لازم تنتبه لاوجاع الصدر
نصيحة الفلك
نجاحك العملي والمالي قريب كتير بس بدك تداري على شمعتك لحتى تضوي وابعد عن اي خلاف بما يتعلق بعملك وخليك كتوم لاي عمل بتقوم فيه لانو هدوءك هو سر قوتك ووصولك لهدفك
العقرب ♏
اليومين الجايين رح يشغل تفكيرك عدة مواضيع مهمة ومنها انتظار اخبار من مكان بعيد او سفر ، وفي عندك حالة من القلق لانك عم تشعر ان الامور لسه ضبابية وما وضحت الصورة الكاملة قدامك ، ماليا عم تنشغل بحساب المصروفات والالتزامات اللي عليك في دعم مالي رح يوصلك من احد الاشخاص المقربين ورح تسندك بهي الفترة ، وفي تخوف عندك لموضوع انتقال من منزل ، وبالنسبة للشغل في عندك فكرة قوية لتبدأ بشغل جديد يتعلق مع احد الاقرباء رح يكون جدا مفيد ونتائجه جيدة لالك بالمستقبل وخايف انك تخسر الدعم ، وفي قصة تتعلق باحد الوالدين شاغلتك ، وفي موضوع بيتعلق بالابناء شاغل بالك كتير وعم تحاول تلاقي حلول مناسبة وترضي جميع الاطراف
عاطفيا
انت عم تمر بفترة عم تحس فيها بتعب وارهاق نفسي بسبب الظروف وفي نقاشات بتخص العمل وفي شي بيتعلق بالانتقال كمان عاملة توتر وعندك رغبة حقيقية انك تحل كل الظروف الصعبة وترجع امورك منيحة متل الاول
صحيا
لازم تعطي جسمك شوية وقت للراحة وانتبه من اوجاع الرأس و الاقدام و تنتبه لموضوع ضغط الدم
نصيحة الفلك
لا تستعجل بالحكم على الامور الضبابية لان الغيوم رح تروح وتوضح الرؤية قريبا والدعم المالي اللي ناطره رح يغير مزاجك للافضل فخليك متفائل
القوس ♐
عم تنشغل هاليومين ضمن الدائرة العائلية وفي امور مالية داخلة بالقصة وعم تحاول تلاقي حلول وسط لحتى يكون في ارضاء لكل الاطراف وتنهي هاد التوتر ، وكمان عم تنشغل لترتيب مع احد الوالدين وممكن يكون هاد الترتيب مرتبط بسفر او تنقل ، ماليا يشغلك المال والمصروفات انت بانتظار توضيحات لمبلغ مالي عم تنتظره ، عمليا بدك تطول بالك لان ممكن تعاكسك الظروف شوي ضمن العمل او تحس ببعض العرقله والاخص مع صاحب العمل بس هاد الشيء مؤقت وعابر وفي فكرة انك تبحث على عمل تاني
عاطفيا
يشغلك مستقبلك العاطفي وعم تنتظر توضيحات من الشريك ومنتظر خبر منه ، بنصحك تخليك رايق ولا تضغط على الامور واترك كل شي يمشي بعفوية لحتى تظهر النوايا الحقيقية
صحيا
لازم تعيد النظر بنظامك الغذائي وانتبه من اوجاع الرأس وكمان انتبه من اوجاع اعصاب المفاصل
نصيحة الفلك
المسايرة والمطاولة بالنقاشات العائلية رح توصلك لبر الامان والعرقلة العملية هي اختبار لصبرك بس ورح تنتهي لصالحك بالنهاية فخليك واثق بنفسك
الجدي ♑
مطلوب منك بهي الفترة انك تخليك رايق وهادي لابعد الحدود ضمن المنزل وحاول تحل اي خلاف او سوء تفاهم عم يصير مع افراد العيلة بحكمة بعيدا عن العناد ، وعم تشغلك قصة مع احد الوالدين بتخص موضوع شغل او عمل وعم تحاول تلاقي طريقة لحل موضوع تدخل بعض الاشخاص المقربين بحياتك وخصوصياتك ، وفي موضوع العقار والانتقال بدك تخلص منه ، ماليا انت عم تنشغل وتنتظر قدوم مبلغ مالي رح يوصلك قريبا بس بنفس الوقت في عندك قلق كبير من حجم المصروفات اللي عم تطلع من ايدك وبدك تنتبه كتير لحتى ما يكون المال او تقسيم الميزانية سبب بخلافات مع الناس اللي حولك ، عمليا عم تناقش وتطرح افكار بخصوص شي جديد او مشروع ببالك بس عم تواجه بعض الصعوبات او الرفض المبدئي لهيك لا تستسلم وحاول تغير طريقتك بالاقناع
عاطفيا
مستقبلك العاطفي عم ياخد حيز كبير من تفكيرك وممكن عم تحس ببعض التراجع او البرود بالعلاقة بس وضعك بدو شوية تروي وصبر وما تستعجل ، واهم شي انك تحاول تجنب علاقتك تدخلات المقربين
صحيا
لازم تحصن حالك وتنتبه كتير من الطاقات السلبية وانتبه من اوجاع البطن واوجاع العيون
نصيحة الفلك
هدوءك هو قوتك اليوم ولا تخلي تدخلات الناس تخرب عليك قراراتك والرفض اللي عم تواجهه بالعمل هو مجرد تأجيل لحتى تطور فكرتك اكتر وتنجح فيها
الدلو ♒
بدك تحاول ضلك رايق ولاتخلي شي يأثر على نفسيتك بديت ترتاح من التفكير بموضوع العقار وتنتبه خلال اليومين الجايين من التوتر اللي ممكن يصيبك بسبب ضغوط من عدة اتجاهات ، ومنها مواضيع مالية ونقاشات ممكن تدور مع الاهل بسبب ترتيب الامور المادية وفي حكي عم يوصلك عن مبلغ مالي الك وانت ناطره وموعود فيه من فترة وعم تنتظر لحظة وصوله لحتى ترتاح من بعض الالتزامات ، عمليا وضعك ضمن العمل عم يتجه للافضل وفي بوادر نجاح واضحة ولهيك ما في اي داعي للمخاوف او القلق اللي عم يسيطر عليك بخصوص مكانتك المهنية ، وعم نلاحظ انو عندك شوية تردد ومخاوف من اجتماع او لقاء رح يصير وفي فكرة الرجوع لعمل سابق ، فكرة السغر شاغلتك في الايام الفادمة وعم تحاول ترتيب امورك
عاطفيا
هاد هو الوقت المناسب لحتى تحاول تتقرب من الشريك وتكسر الجليد اللي صار بينكم لازالة اي سوء فهم حصل بالفترة الماضية ، حاول تستغل الظروف والفرص المتاحة قدامك لفتح صفحة جديدة وحاول تجنب الخلاف المالي
صحيا
ممكن تحس بحالة من الارهاق وكمان لازم تنتبه كتير لاوجاع الاعصاب وحاول تبعد عن مصادر التوتر
نصيحة الفلك
خليك واثق بخطواتك العملية لانها ثابتة ولا تخلي نقاشات المال مع الاهل تفسد الود اللي بينكم والصراحة مع الشريك هي اللي رح تنهي كل الخلافات بلمحة بصر
الحوت ♓
يا حوت عم تمر بفترة وحاسس انو وضعك بالبيت بحاجة لحلول جذرية وتغييرات لكن لازم تمشي بهدوء وحكمة وتحاول توصل للتفاهم مع المحيطين فيك بعيدا عن الانفعال وفكرة الانتقال من منزلك بس خايف ومتردد ، ماليا عم تشغلك مسائل مالية دقيقة وسداد بعض الدفعات والالتزامات اللي تراكمت عليك وفي عندك اوراق لازمها حل سريع ومتابعة لحتى تخلص من همها ، عمليا عم يدور ببالك تفكير جدي ببدء عمل جديد او البحث عن شغل اضافي يحسن دخلك بس عم تواجه شوية عرقلة بسيطة ومحتاجة منك حسم وقرار شجاع لحتى تمشي الامور وتفتح قدامك بواب الرزق ،وانتبه لعلافتك مع الاخوة والمقرببن وخليك رايق
عاطفيا
في عندك بوادر تقارب قادمة بالطريق ورح تلاحظ تحسن بالاجواء ، بس انت محتاج لتوضيحات واجوبة على قصص قديمة لحتى يرتاح قلبك ، بس هون الفلك بيحذرك انك لازم تنتبه وتكون صاحي لكل شي عم يدور حولك ولا تتسرع بالاحكام قبل ما تتأكد من كل التفاصيل الوقت حاليا هو لمصلحتك ولصالح استقرارك المستقبلي
صحيا
لازم تعطي اهتمام كبير لصحتك وتنتبه لاوجاع الصدر وكمان انتبه من اوجاع الظهر اللي عم تتعبك وقد يمتد الوجع للقدم
نصيحة الفلك
الهدوء بالبيت هو مفتاح راحتك النفسية والعرقلة بالشغل هي مجرد سحابة صيف ورح تمر فخليك مستعد للحسم ولا تخلي التردد يضيع عليك الفرص الذهبية
