تفريغ المشاعر بقلم تغريد نافع 

تفريغ المشاعر

بقلم تغريد نافع 

الفترة دي محدش حوالينا إلا مضغوط أوي . احداث كلها موترة للجهاز العصبى من جرايم تقشعر لها الأبدان ،وحروب وضغوط حياتية بسبب زيادة الأسعار المتكررة وزيادة مسئوليات الأسرة المصرية عموماً 

لو مقدرناش كل فترة نفرغ المشاعر دي ونحررها من جوانا هتكون النتيجة مش في صالحنا. وهنلاحظ محاولات انتحار متكررة. ياريت نحاول نهدي نفسنا ونعمل وقت لينا نخفف فيه عنا من اثر ضغط اليوم أول بأول. 

خلي لك حد يدعمك ويسمعك ويطبطب عليك بكلامه يسمعك بدون أحكام أو نقد.

اكتب كل إللي ضايقك طول اليوم في ورقة دي طريقة مربحه لتفريغ المشاعر السلبية من العقل إلي الورق.

مارس هوايه بتحبها ولو ربع ساعة يومياً تفصلك عن القلق والتوتر وتحسن مودك.

اسمع موسيقي هاديه بتحبها مع مشروبك المفضل .

 كل ده طبعاً مع ممارسة الامتنان يومياً لان عاده الإنسان ينسي نص الكوباية المليان ويركز في النص الفاضي.

افتكر أن في أصلاً عندك كوباية الحمدالله غيرك مش لاقي.

 كل ما تضيق عليك افتكر أنها ضاقت كتير وفرجت بفضل الله وتدبيره.

بلاش إحباط وخليك متفائل على الأقل لو محصلش حاجه حلوه أنت كده خدت ثواب عبادة حسن الظن بالله.

لو عملت كل ده وفضلت في نفس الحالة النفسية السيئة لازم تستشير طبيب نفسي .تعب نفسيتك محتاج طبيب نفسي زي اي عضو فيك أما بيتعب بتروح لدكتور متخصص فيه. محاولاتك لعدم للاستسلام للحزن تؤجر عليها وتنقذك مبكراً من الاضطرابات النفسية.