حكايتي مع الايام لها ذكري من الأنغام بتحفر في القلوب وعلي بستان العيون ووعد وانكتب في الجفون انها متنام اي ليل تصحي وتسجل ذكري ياعالم ممكن ماترجع وينفض احلي مولد مع لمه اصحاب وأحباب تفكرنا بصبانا زمان واحنا بنغني علي العود وعلي المزمار ورقص الحصان يتغني مواويل زمان فينك يازمن تعالي علشان ترجع ضحك الليالي ضحكه عيون بدون خوف من دمعه جارحه وكلمه شقت قلوب عاشقه ايدين كانت شابكه وموجه بحر خايبه فرقت كل الاحبه والودع ياما نادي عليهم ودور لكن الزمان كان اقوي اخدنا تيار بكره الحزين واحنا بندور علي مستقبل جميل وتوهنا في دوامه الحياه ونسينا احلي سنين ومع وعود كانت كدابه معرفتش تقف وتعافر ومع اول موجه خبطتنا هدمت والله احلامنا اللي ياما بنينا بأيدينا علي رمال البحر حالنا ودلوقتي حسينا بالجفي مفيش قلوب عايشه تخاف علي دمعه نازله من عيون حبيب جالنا وحافظ علي عهدنا وضم سنين فايته وكانت احلي حكايه احكيها بمواويل عمري كلمات منال شوقي قمح
