المقالات والسياسه والادب
دموع الافاعى النرجسيه كتبت /سما فتح الله
دموع التماسيح
دموع الندم
دموع الفرح
ودموع الألم
لنكتشف نوع آخر وأكثر انواع الدموع غموضا وتعمق
انها دموع النرجسي….!!!
مش دموع ندم..
مش تأنيب ضمير.. مش إحساس بالذنب..هو ميعرفش المشاعر دي
هي مجرد خدعة أخيرة ورقة ضغط نفسية وسيلة تلاعب جديدة لما كل الأساليب القديمة تفشل..
يبكي؟؟؟
اه يبكي بس مش لأنه موجوع لكن لأنه فقد السيطرة وتم فضح جميع مكايدة..
دموعه مش بسبب الألم اللي سببه لكن بسبب النتائج اللي بيرفض يواجهها..
مش ندمان ع اللي عمله لكنه ندمان علي إنه ماقدرش يفلت بفعلته كالعادة..
النرجسي بيبكي لما يلاقي الناس بدأت تشوفه علي حقيقته
لما الضحية تخرج عن سيطرته وما ترجعش
ويفقد المكانه الكدابه اللى رسمها لنفسه واخذ وقت طويل وسنوات ليصل إليها فى أعين من حوله
لما المسرحية تنهار والجمهور يبطل يصدق الدور اللي بيلعبه..
دي مش دموع ضعف دي دموع نصاب محترف يجيد التصنع والتقمص لدور الضحيه والمظلوم
نصاب فقد فريسته لكنه مش هيبطل يخطط للسيطرة من جديد..
بفكر جديد …بمبادرة جديدة
ومنصب جديد
فأحذروا دموع الافاعى النرجسية فهى تصيب ولكن لا تستمر ولا تفيد
وتعود للنتيجه ومركز صفر
