محكي لبناني بتعرف شو تعا لأحكي لك عن وجعي المخبا الوجع يلي عاش جواتي وماطلعته لبرا تعا لأحكي لك كم مرة انطعنت ووقعت ووقفت كم مرة جرحي نزف كم مرة متت وعشت تعا لأحكيك عن يلي كتفه فيي مال عن يلي كان صديق عمري وغره الجاه والمال الصديق يلي لازم يكون بضهري حزام طلع غدار وكذاب وخوان وعلى أول مفرق اشترى غيري ونزّل من سعري وباع طيب تعا لأحكي لك عن الوفا يلي بهيدا الزمن تبخر وصار الوفي أهبل وغبي والخاين هو الشاطر والذكي الوفا يلي صار سعره بسوق النحاسين يلي صاروا أهله ضعفا وفقرا ومساكين أو بقلك خليني أحكي لك عن تعب السنين والشقى والعمر الضايع ولهلاء ماتلقى لا لا شيلنا من كل الحكايا يلي فيها سمات بدن تعا أحكي لك عن طفوله بقيت تحت شجرة الزيتون عن طفله صغيرة خيالها مرافق الفراشات والطيور عن لعبه الغميضه ولعبه البيت بيوت خليني احكي لك عن ذكريات مابترجع بس بتنذكر احكي لك عن الحارة والسبع حجارة وطيارة مصنوعه من الورق علقت على حيط الجارة تعا احكي لك عن مشكل كان يصير عند شجرة اللوز وع شجرة المشمش مين فينا رح يسرق منها ومين يلي بقطف أكتر ومين رح تكمشه الحجه وتضربه بالعصاي وتشده من خده ،،،،، تعا أحكي لك عن جمعه العيله يلي مافيها تلفون فيها مسلسل أو فيلم بسهرة كل ليلة عن ليله العيد يلي كنا نخبي التياب فيها تحت الفرشه ومانصدق يطلع الضو لنركض وناخد العيديه تعا احكي لك عن الوقت يلي كانت فيه البراءة ع طبيعتا ماكان في فلاتر ينزع خلقتا كان الصديق صديق ،،،والخي خي،،،،وكان السند سند كان الوفا إله هيبته والخاين مخبى ببيته،،،، كانت المصاري ماالها قيمه ،،،مافي مصالح خبيثه،،، كان الحب إله طعمه،،،،والطيبه أساسيه،،،، وماكان في عيوب نخبيها ،،،،والفضايح مستورة،،،، ماكان في سيلفي وسفرة الأكل خلفي،،،، ماكان في حظر على الوتس اب ،،،كان الشباك بين الجيران هو لسناب شات ،،،،،والكاميرا كانت مرا من الحارة ،،،،تراقب وتعرف أخبار الجار والجارة،،،، ايييي شو بدي احكي لك بعد ،،،، عن نبعه الماي وشجر البلوط ،،،،يلي بالوادي بعيد عن لبيوت،،،،عن جب الزعتر يلي بالبلان متخبي ،،،،او جب الشومر لتعمل أمنا عجه،،،،عن العشبه الذهبيه يلي بين الصخور،،،،،نقطفها بفرحه كأنها هديه ،،،،،ونشربها مع الشاي طعمتا زكيه ،،،،عن باقه. الزهور يلي من البريه ،،،،ريحتها مش حلوة ،،،،نحطها بمزهريه،،،،، ياريت بيرجع يوم من هالأيام بس كلمه ياريت ماعادت تنفع
ClQKS1NuYXBjaGF0LzEzLjIxLjAuNDMgKFRFQ05PIEJENGk7IEFuZHJvaWQgMTEjMjMxMTEwVjMwNCMzMDsgZ3ppcCkgVi9NVVNIUk9PTRCcjvnM1wE=
