في مواقف بتخلينا نبتسم كيف قدرنا نتخطاها رغم صعوبتها ،،،
بنكتشف قديه نحنا عنا قدرة تحمل وصبر ،،،،
وكيف بنقدر نعمل إعادة برمجه لحالنا ،،،حتى نقدر. نوعى بنهار جديد بنفس الطاقه والقوة ،،،
عنجد ،كيف من بعد سهر طويل ،ومحاسبه نفسنا وتفكير
بنوعى بنشاط وحيويه،،،وكيف بنقدر نخبي الدمع و السواد يلي ساكن تحت عيونا،،،،كيف بنقدر نعطي حب
ونوزع ضحكه ،،،كيف بنقدر نقوم بشغلنا اليومي ،،،من غير مايحس بتعبنا حدا ،،،،من وين عم نجيب هيدي القوة الخارقة ،،،،؟
خليني قول شكراً ل الليل لأنه ساتر العيوب ،،،وساتر الفضايح،،،شكراً ل الليل لأن موجود بيومنا لنفرغ طاقتنا السلبيه ،،،،شكراً ل الليل لأن عم يتحمل تعبنا وكلامنا وشكوانا ،،،شكراً ل الليل لأن عم يخلينا نبدأ يومنا بقوة لأنه نيم ضعفنا بين جوانحه
