المقالات والسياسه والادب
شعر بعنوان تاهت حروفي بحبك بقلمي الشاعرة مي فخري العبيدي
تاهت حروفي بحبك
باللهجة العراقية
اگول يامن عني نويت ترحل
أخذ گلبي وياك گبل رحيل
ماعاد مثل الاول يتحمل
ترى فراگك والله مستحيل
يلي حبك صار بالنسبة إلي طن
وغربة روووح وگلب ذليل
گتلي اني وياج لآخر لحظة
كل يوم بسبتك دموعي تسيل
بس حسبي على گلبي المعارف يختار
اختار واحد بايع ومغرور ودمه ثگيل
لا يعرف الوفى ولا قدر العشرة
باع برخص واشترى الي يبيع
حسبالي كل حب معنا وفى
لكن يختلف جيل عن جيل
الحب صار نزوة ومصالح
أو عراك فد مره وقال وقيل
رغم حبنا بريء وطاهر
بس ماشفت منه غير الويل
ياربي منك السماح غلطة وندمت
وطفلة مالها سند لا خل ولا خليل
شافت بي حنان اب وسند إخوة
وشافت بي ورد وشاي وهيل
ماحسبت انوو كل جنس ذكر
بدمهم تمشي الخيانة والغدر والرذيل
بس حزن وبجي وقهر
وإحباط وكآبة وسهر ليل
هذا جنيت من حبك ياابن الناس
وانت حتى بكلمة حلوة وياي بخيل
