تعبانه ،،وروحي موجوعه
عم أتمنى أغفى وماأوعى ،،،
بدي أخد نفس طويل،،،،
شم فيه الراحة ،وأنسى التعب
أترك قوتي وطلع ضعفي من مرايتي
وأحبس قوتي جواتها وخبيها
وأصرخ فيها وقلها سكتي
تعبتيني وماعرفتي تتعبي
خليني مع ضعفي أنا بحاجه ل صىرخة الوجع
بدي مكان واسع وكبير أصرخ وأستمتع بصدى صوتي
أنا بدي هيدا الأحساس المؤذي،،،،يتركني ويبعد عني
خليني أرتاح كتير لأن لشوي مابتكفيني
لشوي مارح يعبي الفراغ يلي عم حسه
مارح يقدر يروي عطش قلبي
أي أنا قلبي عطشان ،،،،هدّو المطر الوهمي
قلبي بيشبه قلوب كتيرة ،،،غرقان بشبر ماي ،،،،
عايش ع لعتمه وبخلي لغيره الضو،،،،
ميت عطش بس عم يروي ،،،
يابس بس عم يزرع أمال ملونة بقلوب تانية
نعسان بس عم يوزع أحلام مزينه بأمنيات
تعبان بس عم يعطي راحة نفسية ومعنوية
قلبي بيشبهني الوحيد بيفهمني ،تعبان متلي،،،
بدو يرتاح من القوة ،،،بدو ينام بحضن الضعف
هو مابدو يوجّعني،،،،بس عم يُوجَعني،،،،
تعب من جواته وتعبني ،،،،وحقه ياخد فرصة وأنا من حقي،،،
بتعرف شو،،،،
أنا بس بدي أحضن حالي ،،،وطبطب على كتفي ،،،،وأبكي مع نفسي ،،،وأخد وأعطي بالحكي معها،،،،،تسمعني وإسمعها،،،،،وماإسمع صوت غير صوتي،،،،،نتخانق ،نصرخ،نتعاتب،نزعل،نتصالح،،نحط النقط ع لحروف،،،،نضعف سوا من غير خوف،،،ونترك القوة تشوف مصيرا،،،، ونفك أسر الضعف ليعيش الحرية،،،يلي انقتلت فيي،،،عنجد أنا بحاجه كون ضعيفه بحاجه كتير ل صرخة الوجع
