طريقك للسعادة والرضا

طريقك للسعادة والرضا

كتبت /سما فتح الله 

الصلاة فرضت على المسلمين 

وغير المسلمين 

لكل دين صلاته ولكنها اولا واخيرا لشكر الله وحدة لا شريك له 

اما دين الاسلام فهو مذهب وعقيدة اساسها الايمان بالله وحدة 

والصلاة ركن اساسى من اركان الاسلام 

ماما مش بتصلي 

بابا مش بيصلي

تقدروا تقولولي هنقنع ولادنا ازاي بأهمية الصلاة لو احنا مش محافظين عليها

إنتم كأب أو أم مش محافظين ع الصلاة 

تقدروا تتحملوا إن ابنكم يعيش طول عمره مش مواظب على الصلاة ويبقى كل ده في ميزانكم 

إلا إن ربنا هداه 

 الطفل بيشوف فيكم قدوته وبيعرف منكم ايه الاولوية والمهم في الحياة 

فلو شاف الأولوية للدراسة والنادي والتمارين والكورسات ….هيتغرس عنده المعنى ده وهيتربى ع كده

 ولو شاف الأولوية للصلاة قبل أي حاجة في بيتكم هتتغرس فيه

الأولوية للصلاة 

يعني خارجين ماما مش بتضيع الصلاة وتقول لما أروح 

 يعني لو مع بابا في أي مشوار وسمعنا آذان بندخل نصلي 

 يعني الولاد بعد ٧ سنين بيروحوا مع بابا صلاة الجمعة 

يعني بنصحى على معاد الفجر 

كده الطفل يقتنع إن الصلاة أولوية ومهمة 

أما لو ده مش بيحصل ….

فالحق ميزان سيئات هيفضل يزيد ع طول

استثمروا الخير فى اولادكم 

فما تزرعوة اليوم تحصدوة الى يوم الدين